ملتقى طلاب وطالبات جامعة الملك فيصل,جامعة الدمام - عرض مشاركة واحدة - الفيزياء تجمع طالبات قسم الفيزياء لجميع المستويات

فيزيائية طموحة · 2012- 6- 9

بسم الله نبدأ بالردود

اقتباس:

طموحة تدرين نفس احساسي
يعني لو يحصلي أعيدها راح اعيدها وانا متحمسة اكثر
خصوصا كم شغلة حسيتني فيها مقصرة وكم مادة بس الصيفية قدامي
بعوض فيها باذن الله

إن شاء الله يا رب

اقتباس:

وسالفة العشق قبلها كان كره مبطن ههههههههههههههههههه
يومني بالثانوية كان مدرساتنا مش ولابد
يعني لو احد يسالن من هو نيوتن بقول ماعرفه <<~ مش مبالغة والله
جا ثالث الترم الاول شديت على نفسي وحسيتني بديت استوعب
الترم الثاني
أنتدبو معلمة من الثانوية العاشرة أو مجمع الامير ناسية
أستاذة فاطمة مطير
وش اقولكم يابنات أيش امانة ايش جمال أيش عشق للفيزياء بحد ذاته
والله مابالغ بنات
لازم كل اسبوع قروب من فصلنا يسوي تجربة من النت تطبيق على درسنا
كانت دايم مبتسمة وتقول الفيزياء مش علم جامد وسعي مداركك وخليك انسانة حالمة
وتخيلي اي مسالة قدامك او قانون علشان تستوعبين
بعد اذكر اللي تشوف دفترها اسود وازرق بس تقولها ماراح اصححه
لازم تلونون وتفتحون أنفسكم
ودايم تقول لنا دايم
أبني جسر من الامل فوق نهر من اليأس <<~ شكرا للعبارة هذي لانها كانت من رفع معنوياتي اللي تنهبط ساعات
طبعا نهاية الترم

ما شاء الله لا قوة إلا بالله

الله يكثر من امثال استاذتكم

اقتباس:

اخترعت وانا صديقتي جهاز
سوينا باب خشبي وحطينا عليه لمبات الاعراس الصغار تعرفونها
بحبث اذا ضغطنا على الزر اللي بالجدار ينفتح الباب وتدخل عروسة ترقص على انشودة
كانت تطبيق على دوائر التوزاي والتعامد
على نهاية الترم شافتني قبل تدخل الاختبار النهائي
قالت لي تدرين ياكبرياء وجهك وجه فيزياء وقولي فاطمة ماقالت
عاد انا زعلت ليش تفاولين علي ابي طب هههههههههههههه
سبحان الله دارت الايام لو ألقاها الحين بوريها وثيقتي ومعدلي واقولها شوفي صرت مثلك
طبعا سمعت انها طلعت برا تكمل دراستها
تستاهل استاذة فاطمة

ما شاء الله عليكم أبدعتوا

كان طبقتوا الإختراع في الكلية قلتوا هالكلام مثلا لمعيدة الكهرباء وسويتوها

نفسي اخترع شي كل اللي سويته اني ساهمت فيي تصليح مفتاح لمبة

اقتباس:

المشكلة اللي تعاني مثلي ماتعرف تحفظ عدل
الفيزياء مو فهم بس لا حفظ بعد
يعني اسئلة الفهم اجاوب وانا مرتاحة
بس اسئلة الحفظ اجيب فيها عيد الفطر وعيد الاضحى <<~ الله يبلغنا اياها على صحة وطاعة جميع
وبعدها انسى وارجع احفظ وهمن انسى وهكذآ
ناوية اشوفلي حل مع مسالة النسيان

الحل اقري صفحة قرآن قبل كل محاضرة تذاكرينها واقري الكلام اولا بتركيز وحاولي تفهمينه
وإذا فهمتيه بعدين احفظيه وبكذا بيكون صار اسهل ونسيانه ابطأ
وهالشي طبقيه لأي شي سواء في حفظ القرآن أو حتى قصيدة
وفرقي بين الأشياء اللي ضروري تنحفظ نصا مثل الآيات والأحاديث والأشياء اللي عادي تصيغينها بأسلوبك الأولى هي اللي تحتاجين فيها مجهود اكبر في الحفظ والثانية عادي اللي فهمتيه صيغيه بأسلوبك وكرريه <<< المشكلة في اللي يبون كل شي نصا متعبة معاهم الدراسة

والمشكلة في الإمتحانات ان بعضهم يربكونا طول الوقت يا الله ويا الله وماباقي شي وووو
ونلاقيهم جايبين اكتبي كل مادرستيه في هذا المقرر <<< مجازا
هذا اللي يطير المعلومات مرات يجي سؤال نفسه اكون شارحته لبنت وفي الإمتحان مااحله

اقتباس:

والمراجع
الصدق الصدق ليش دايم نعتمد على اللي تعطينا اياه الدكتورة بس ؟
أنا احب اشري مرجعين لنفسي واحد عربي واحد اجنبي
أحسه افضل علشان افهم
وأكتشفت باني انسانة تشتري بلا حساب للكتب يوم طليت ع المكتبة حقتي
حتى الرياضيات اشتري كتابين
أمي تقول يبي لنا نتبرع للجامعة بشوي من كتبك وانا اهوش واقول لا كنزي الثمين

ما شاء الله عليك حلو كذا وعلى قولتك

:hahahahaha h:

حتى انا ابدا مااعطي احد كتبي الفيزيائية

الا اللي بتصور منها وترجعها اما الباقي عادي خصوصا العامة

اقتباس:

بنات اذا تعرفون مواقع ع النت لتحميل كتب أعطوني اياها ساعات مالقى الكتاب الا بالبترول
والبترول بعيدة عني وبعضها مكلفة بعض الشيئ

زي ماقالت غلاكم ممكن تبحثين عن اللي تبينه وفيه موقع الجمعية السعودية للعلوم الفيزيائية ادخلي على ركن المعلمين
واختاري مكتبة الكتب والمجلات فيها عدة تصنيفات كتب عربية وانجليزية وبتطلع لك الكتب

اذا بغيتي كتاب معين اضغطي على السهم اللي جنبه وبيطلع لك مربع الحفظ واذا ماطلع اضغطي على السهم باليمين واختاري حفظ باسم

وهذا رابط الموقع

http://www.sps.org.sa/Default/index.aspx