حياك الله اخوي عبدالله ..*
ماشاء الله تبارك الله عليك ربي يبارك فيك وينفع بك ...
صحيح انا مو تخصص اداره لكن اقدر افيدك من الناس اللي اعرفهم تخصص اداره ..*
اولا مافيه تخصصات هي ادارة اعمال فقط .. واذا حاب تخصصك اسأل في جامعة الملك عبدالعزيز يمكن يكون موجود .واذا ممكن برضو شوف الجامعة العربيه .. . والخطه الدراسيه لتخصص ادارة الاعمال تحت الدراسه لكن تقدر تشوف المقررات من المستوى الاول الى الخامس ..*
ونقطه كمان انو مافيه سنه تحضيريه !! على طول تخصص ..
بالنسبه للمعادله ماراح تتعادل جميع المواد اللي درستها عدا 15 ساعه بالكثير .. بتقدير لا يقل عن جيد او c ...*
ثانيا صحيح اللي قلته انو التساهيل في جامعة الملك فيصل اكثر وافضل .. منها 30 درجة بيدك طول السمستر موزعه بين الواجبات والمحاضرات والمشاركات و 70 على النهائي واختيار من متعدد .. طبعا غير التعاون منقطع النظير اللي بين الطلاب .. بسهولة تلاقي محتوى الماده وبرضو بسهولة تلاقي ملخصات رااائعه من جهود الاعضاء من الطلاب ...*بالاضافه لسهولة التواصل مع الاساتذه وسعة صدورهم ..
والاختبار في مقر اقامتك بدون رسوم اضافيه ...
وطبعا مافي جهة سواء حكوميه او خاصه تخلو من العيوب !!!*
قبل كل شي استخير والله يكتب لك اللي فيه الخير وين ماكان ويرضيك فيه ~*
والوظيفه اذا جاتك فرصه لاتطوفها و كمل دراسه .. سواء معنا في جامعة ( الفيصل ) او في جامعة أخرى ..*
ربي يسهل امورك يااارب ..**
