|
رد: { بـووـووح ـآلخ ـوآطر .~
ليه تطعني وأنا ميت بليا
ماكفاك الي حصلّي قبل ساعه
كن بين همومي وبينك حميا
جيتكم واحد وجيتوني جماعه
أنت منا والمصايب من هنيا
كلكم ضدي ترى ماهي شجاعه
ما أبشع من جروح طعنات القفيا
غير سكينٍ تصيب بهالبشاعه
لاتتوب ولاتذوب ولا تريا
جرحها جرح وفظاعتها فظاعه
ترتوي من فيض دمي والتفيا
وصار قلبي مثل أخوها بالرضاعه
وأنت ليل لو ضويته مايضيّا
ضعت فيه وشفت نفسي في ضياعه
أتهيا وين ما أشوفه تهيا
وأرسي بمرساه وشراعي شراعه
من عرفته والمحيا بالمحيا
ومايروح الأ ذراعي في ذراعه
أن رضيت أرضيه وأن عييت عيا
وأن طلبني قلت له سمع وطاعه
ما عشقت من النجوم إلا ((الثريا))
وماملكت من الكنوز إلا القناعه
وأنت وجيوش الموادع والجفيا
كيف أوقف ضدكم وأنتم جماعه
لوبجيكم بالشجاعه والحميا
البلا أن الكثره تغلب الشجاعه
|