|
مافي تعديل على درجات المشاركة .. هذا رد احمد الشعيبي
مرحبا
بدخل ع طول بالموضوع لاني ما احب المقدمات ..
اليوم راسلت احمد الشعيبي بالواتس اب وكان هذا نص المحادثه
شوق : السلام عليكم .. يا استاذ احمد عند نزول النتائج هل راح يكون فيه شرح تفصيلي للدرجات يعني جدول الدرجاات هل راح يكون مثل كل ترم عباره عن اسم المادة ومجموع الدرجه المستحقه والتقدير .. والا راح تنزلون درجة المشاركة مستقله عن درجة الاختبار ؟
صراحه يا استاذ احمد اللي صار لي الترم الماضي اقلقني مع اني كل ترم احمل الشي مرتين ومع هذا لازم النظام يخذلنا
وانتم الله يهديكم ما ادري ليه ماتفتحون ايقونة المشاركه وتخلوننا نشوف درجاتنا ونرتاح ونريحكم من كثرة اسئلتنا
سؤال اخير ..
ممكن تعطيني مبرر لتأخير درجات المشاركة الله يرضى عليك ؟
لاتقول الاعداد كبيرة وما ادري ايش .. الرصد الكتروني ومن بداية الترم والنظام يرصد درجاتنا يعني مجرد ماتقفل النظام تبيّن درجاتنا دايركت ...
احمد الشعيبي : وعليكم السلام .. المشاركات راح تنزل مع النهائي .. ومافي تعديل عليها  .. يعني نزلت والا مانزلت نفس الحكايه .. كل طالب راح ياخذ جهده وتعبه وعمله اللي قام فيه .
هنا انتهت المحادثه
عاد ارسلت له ليه مافيه تعديل على الدرجات تبع المشاركه لكن لسى مارد علي
وبينت له ان نظامهم يلغي درجات الواجب في بعض الاحيان واحينا تنزل لنا محاضرات لمادة ثانيه والمباشرات اغلبها مخربطه وتسجيلها ناقص لكن ننتظر رده
رجاء من الجميع لا احد يراسله بخصوص هالموضوع الا بعد ما اشوف رده علي الله يرضى عليكم
لاني اخاف يتعاونون معانا واذا شافوا احد يراسلهم وهو معصب ومعترض على نظامهم يعاندون هم زياده
|