اللغويات أنصح فيها عند مس شيخة طبعًا, صحيح أن كلهم ( مس شيخة ومس وضحى) مش الأساتذة السهلين اللي بسهولة الوحدة تنجح عندهم أو تجيب درجات عالية, لكن أفضل مس شيخة لأن ما في مقارنة صراحة بين شرح مس شيخة والدكتورة وضحى, مس شيخة تشرح وتتعب وتوصل لك المعلومة وتعيدها لين مانحفظها خلاص, صحيح أن طريقة تصحيحها أحيانًا ما تعجبني, صحيح أنها تتأخر ما تحضر المحاضرة, صحيح أنها حتى الكوزات خلاصنا وماعطتنا درجاتنا, يعني كل أستاذة لها سلبيات طبعًا, لكن على الأقل في أشياء تغطي يعني مثل ما قلت شرحها توب ماشاء الله, تعاملها كويس مع الطالبات, غير كذا مادة اللغويات من المواد التأسيسية المهمة اللي تترتب عليها مواد كثيرة وراها يعني لازم تأخذينها عند وحدة تأسسك فيها عدل مثل مس شيخة.
لكن الدكتورة وضحى أبدًا شرحها ما يعجبني يعني أغلبه قراءة, غير كذا مس وضحى مش المرنة مع الطالبات اللي ترتاحين معها في المحاضرة, يعني ما يكون فيها النقاش اللي يكون في المحاضرات الثانية. هذا غير أنك تحسين أنها مو متحمسة تشرح يعني تكتب عالسبورة ونكتب وراها وإذا تشرح شيء بسيط, يعني حتى في نقاط أذاكرها في الاختبار مش فاهمتها لأني ما أذكر ما شرحتها بس مجرد نكتب وراها.
بالنسبة لأسئلتهم كلهم يعني مش ذيك السهلة اللي أي أحد يقدر يحلها وبعد مش صعبة محد يقدر يحلها يعني أنت واجتهادك.
فبما أن كلهم مش الأساتذة السهلين فأنصح تاخذون المادة عند مس شيخة على الأقل تحصلين على تأسيس عدل, غير كذا محاضرتها ممتعة نوعًا ما وأفضل من نواحي كثيرة. وبالتوفيق.