كلمتني وأسمعتني صوتها
قبل زفتها بدقايق
قالت حبيبي بودعك وبعطيك من وقتي دقايق
ودي أسمع صوتك حبيبي
ودي أنسى كل شي وأبقى مع صوتك
ما قويت أنطق ولا أتكلم
ما عرفت بها الظروف وش أقول
كنت دايم أسمعها ضحكتي
كنت دايم أناوشها بلهفتي
واليوم جاتني تعذبني تسمعني صوت الدفوف
قالت حبيبي هذا صوت أم العريس
تنادي علي وتقول هيا تعالي عجلي
ودي حبيبي ها الحظه تطول
وأبقى مع صوتك دهور
وين راح الحكي مني
وين ألقى الحروف
قلت أرحلي عني والحقي صوت الدفوف
وأتركيني بوحدتي أنسج أبيات الحروف
يمكن ألاقي مع الوحدة صدى للي بقول
قفلت وروحت وأنا وحدي ويملى مسمعي صوت الدفوف
صوتها بعثر أوراقي وخلاني مع همي أطوف
بين الشوارع و المداين نحتري موكب عروس
قلت يمكن تلتقي بهالحظه العيون
وأنتحاكى ما بين كل الخلق بعيون ودموع
للأسف ما كنت أدري أن قلبي بها اللحظة يحتضر
وكان الكفن صوتها والدفن موكب عروس
شلت قلبي وسط كفي ورحت أمشي
أدور مقبرة أدفنه فيها وأستريح
شفت كوشتها منصوبة على أعلى الدرج
وأنحنيت أحفر وأدفن القلب الجريح
شفت في الحفرة قلبها مدفون
وأنكتب في وسط الحشا كلمتين
حبيبي مستحيل يعيش
في ها لقلب غيرك مستحيل