المشاركة الأصلية كتبت بواسطة محمدويه

موضوع بطل يخلي الواحد يفك عن نفسه شويتين

........................

أنا عن نفسي بصرآحه سافرت كثير وانا عزوبي وبعد الزواج

مااقدر اقولكم أفضل دولة كذا

لكن بالنسبه لي وأنا عزوبي كانت افضل رحلة خارجيه لي

هي كانت في ربوع أوربا
ذي الرحله كنا قروب مؤلف من 5 شباب
رحنا على فرنسا وكانت الفيزا حقتنا تشنجن يعني نروح اي مكان ولا يهمنا
طبعا إستأجرنا X5 BMW طبعا كانت موديل السنه ذيك 2006 في عزها كشخه مره
وكانت بالنسبه للإيجار مررره رخيصه
وبحكم إني الوحيد اللي معاي رخصة سياقة دوليه
كنت انا المتمع الوحيد بسواقة البي ام
كانت الرحله خياليه مرررره خاليه من كل شي يدخلنا في الحرام وهذا كان تحدي كبير
لكن صدق كانت رحله خياليه ...

أما عن الدوله اللي حبيت أجواها والسفر لها وإرتحت وانبسطت واستانست وناسه غريبه
ماكانت دولة وحده
كانت 4 دول وجزيرتين
الدول كانت ( فرنسا - اسبانيا - ايطاليا - سويسرا )
الجزيرتان ( كورفو - وسانتوري ) << أفضل جزيرتين في جزر اليونان

بس طبعا اللي خلاني اشوف السفريه ذي غير عن كل سفريه
لأنها كانت سفرية شهر العسل
قضيت 29 يوم كانت اجمل ايام حياتي كلها رغم اني سافرت كثير
تقريبا معظم الدول العربيه ودول اوربية وافريقية كثير
لكن السفريه مع الزوجه لها طابع خاص ونظام يثلج القلب

أما تركيا كانت سفريتي انا وزوجتي بعد ماجابت لي احلى بنوته في الكون
15 يوم كانت في تركيا جداً رووووووعه خياليه

وإن شاء الله الاجازه طيارتي انا وزوجتي << مصرفين البنوته عند جدتها
يوم 23 / يونيو / 2012 اخر الشهر ذا بالميلادي يعني تقريبا 3/8/1433هـ
والرحلة على الامارات نمرها كمحطه فقط ثم فرنسا ومن هناك على ايطاليا ثم الامارات ثم السعودية ان شاء الله

دعواتكم لي برحلة سعيده

عاد ودي يكون فيه قسم هنا انزل فيه صور سفرياتي كلها عزوبي ومتزوج
قسم بالله لأخليكم كلكم تسافرون من حلاوة الصور والمناظر اللي فيها

تشااااو ...