المشاركة الأصلية كتبت بواسطة @بوفهد

كلامك 100 % وهذا اللى خلانى ازرق لماليزيا
يقولون لاسرقت اسرق جمل ولا عشقت اعشق قمر

وبعد فيها مشكلة السحنة السيرلانكية غير مقبولة اقصد ما فيها وجيه حسنة حتى مضيفات الخطوط كنهم خدامات ههههههههه استغفرالله انا خانى التعبير ما اقصد شي شين والله العظيم بس كيف اقولها ...فهمكم كافي
وايضا سمعت ان فيها غربان واجد وكلاب ضالة كثير
اووووووه
بقولكم موقف صار لى فى ماليزيا
اول ما وصلت سكنت فى فندق الماينز اعتقد هذا اسمه
قلنا بنروح للاسواق اللى جنبه (مشي على الرجول )نتمشى شوي فى السوق وناكل من ماكدونلدز رخيص ولذيذ جدا واصلا ما فيه خيارات كثير للاكل الا اكل الاسيوين
المهم عشان نوصل للسوق لازم نقطع المواقف.. رحنا وانبسطنا وتمشينا فى القارب الروعه الين ليّل الليل

وجينا راجعين اولادي مشوا قدام عجلين وخفيفين المدام على الراحة ومعها الصغيرة وانا صرت فى النص ابي عيالى وابى اتمشى مع المدام اهااااا الا بطلعة ذاك الكلب من بين السيارات اى والله وينصانى يمشي 200 وينابح نباح مزعج لان المواقف فاضية ومكتومه وصدى وانا اطالع فيه بكل خوف وما ادرى وش اسوى ما منعني من الهجة الا فشيلتى قدام عيالى والمدام عاد المدام تخاف من القطو شلون كلب واصلا لو هجيت بيهجون عيالى ونتفرق شذر مذر عاد وين احصلهم
ويلهمنى الله وأثبت فى مكانى ولا كني اشوفه الا كني صاحبه اللي مربيه ويوم بقى بينى وبينه يمكن متر او متر ونص الا ويدعس ذيك الفرامل لين بغى يحك لحيه فى الارض ..

اى والله يوم ارتحت واسوى نفس فاهم واقولهم عادي لا تخافون هذى كلاب حراسة وما تسوى شي ومحاضرة وحاس اني كبرت فى عيون عيالى والمرة وهم حسوا اني بطل هههههههه ما يدرون عن الخافى

انا كل همي انهم ما يتعقدون من السفرة بأول يوم
وفيه موقف ثانى اشكل مليون مرة من هذا لان الحيوانات كانت غير الكلاب
كانت ذيك اللى تشبه التماسيح اذا حبيتوا علمتكم بالسالفة