ما صارت نتائج ... لو انها صناعة صاروخ كان خلصوا
انذلينا بهالنتائج ... ما صارت والله
وانا استغرب من بعض الاخوان والاخوات يقول لا تنتقد الجامعة والبعض يقول لاتنتقد علشان ما يزعل علينا النجار ويغير نظام الجامعة ونتوهق ... وانا اربا بأي مسؤل في الجامعة وعلى راسهم اخونا الكبير الدكتور عبدالله النجار بان يكون يملك مثل هذا الفكر يا تمدحوني والا بورطكم او بشد عليكم ... تراكم تتكلمون عن اشخاص متعلمين وأكاديمين على مستوى عالي ومتفهمين لأي انتقاد او اشادة ... واحنا نتعلم منهم
احنا ما ننتقد الاشخاص ....كل من يعمل في الجامعة محل ثقه ونحترمهم ونجلهم ونقدرهم ولا فيه شك في هالكلام ..... احنا ننتقد العمل
لما النتائج تتأخر شهر كامل معناها في خطأ.... ولما كل الجامعات تطبق الترم الصيفي الا جامعتنا معناها في خطأ.... واحنا ننتقد العمل حتى تتصحح الاخطأ وتضاف للأيجابيات الجامعة .... اما نقول لا خلاص كافي علينا الايجابيات السابقة وعادي نستمر في الاخطاء البدائيه والمفروض ما ننتقدهم علشان ما يزعلون علينا ... لا
المفروض نكون صريحين وواضحين ونقول للمحسن احسنت وللمخطأ اخطأت ... مافيها شيء
كل الجامعات تطبق الترم الصيفي وهذا شيء طبيعي ولا فيه ابداع علشان نقول شفوا الجامعات كيف متطورة ... الا لأن جامعتنا فيها خلل وخلل كبير بصراحه والمفروض يصححون هالخلل في السنوات القادمة افضل من التبرير الغير منطقي
وكل الجامعات اعلنت النتائج بعد الاختبارات بأسبوع على الاكثر ....هل لأن هالجامعات متطورة ؟؟؟والأ لأن جامعتنا عندها مشكلة في اعلان النتائج؟؟؟
عموما اعيد واكرر احترامي لجميع من يعمل في التعليم عن بعد بجامعة الملك فيصل وعلى راسهم حبيبنا ومعلمنا الدكتور عبدالله النجار لكن يتحمل انتقادنا وياخذها بسعة صدر ويعدل هالاخطأ ... والله يوفق الجميع