حبيبي فديتك ابتعد وارحل
خذ غرامك هاجر وابتعد ممنون
خذ هداياك واذا تبي ازعل
ماعدت احبك ماني فيك مجنون
لحظاتك تعب سواليفك ملل
حسايف حبي يعتقد انك حنون
يحسب انك خالي من الزلل
يحسب انـك وفي لالا ماتخون
قلبي مشوه صارت به علل
ياما تجرع غدرك انواع وفنون
وياما فز اذا شـافك تهـل
دائم اسامح وتحرقني الظنون
دائم انا لك عاشق وخل
انا لك غيث يسـكبها مــزون
انا لك شمس دائم ماتفل
حسايف دنيتي صـارت بدون
حسايف ليه ذاك الغدر هل
نزفتك هم قطره بالـغصـون
عشقتك موت مطرز بالحلل
بكيتك دم واضح بالعيــون
حسبتك لي وطن ديره واهل
حسايف موطنك صحراء ظنون
حبيبي فديتك ابتعد وارحل
خذ غرامك هاجر وابتعد ممنون
خذ هداياك واذا تبي ازعل
ماعدت احبك ماني فيك مجنون