|
رد: اتمني من الجميع ايفادتي عن الجامعة
اقتباس:
المشاركة الأصلية كتبت بواسطة لاتغرك الضحكه
اسمعي مني وانا اخووك
اول شيء اذا عندك اصرار وعزيمه راح تمشي امورك
وثاني شي انا تخصصي اداره اعمال
ومو صعب مره احسه عادي
وعندك 30 درجه تاخذينها من الواجبات والمناقشات
وكل هذي تحصلينها بالمنتدى
يعني بدون مجهود
والمحاضرات المسجله تحميلينها
والمحاضرات المباشره مو لازم تحضرينها
اذا نزلت حملينها وانتهت السالفه
والدنيا سهله خالص وبكذا اخذي 30 درجه
ولا يحتاج كتب ولاشي
الملخصات الي تنزل في المنتدى او المحتوى بتحصلينه مع المحاضرات المسجله
ويبقى 70 اختبار نهائي والاسئله بشكل عام مابين المتوسط والسهله
يعني بتنجحي باذن الخالق
واذا ع دوامك فانا اشوفه حلو يعني عندك وقت
انا اداوم من 6 الصباح الى 6 المغرب
وشوفيني الحين باخلص باذن الله مستوى ثاني بنجاح
يعني لاتشيلي هم
بس مثل ماقلت بالاول اهم شي عندك عزيمه واصرار
ومعلومه لك انا ما اتابع محاضرات واذاكر الا قبل الاختبار بشهر
يعني الحين خلصت اول سنه ماتعبت الا في شهرين او بالكثير شهرين ونص
ومرتاح طول السنه
وبعض المواد في تخصصي ماتحتاج تتابعي المحاضرات اطبعي ملخص واقري فيه
قبل الاختبار بيوم او يومين
واذا انك تبين معدل ابشرك انا معدلي ممتاز قولي ماشاء الله
واخيرا همسه في اذنك ادخلي التخصص الي تحبينه او تحسين انك بتستفيدي منه في مجال عملك
وهذا طال عمرك كل شي واتمنى اني افدتك
واذا ع السلبيات الي في الجامعه كل جامعه فيها سلبيات
بس لما تسوي مقارنات بين الجامعات عندنا بالسعوديه
انا من وجهت نظري جامعه الملك فيصل افضلها
والله يوفقك وتكملي دراستك
|
شكرا لاتغرك الضحكة وكلامكم خلى عندي اصرار وعزيمة الله يجزاك الجنة ماقصرت اخوي
|