كتمت العبره في عيني وأنا أسترجع زمان أول..
وأشوف مرايتي تحكي فعايل دهر وسنيني..
كبرت وماني بطفله وصرت الحين أتكحل..
لبست الدفه والشيله وكعب عالي يعليني..
نظرت لخلفي أتذكر بداياتي من الأول..
ياربي مالقيت احد يكون الصاحب الأفضل..
وحيده عشت عمري من الماضي إلى حيني..
أبي تبرير للوحده تراني بالفعل اجهل..
صدود الناس عن دربي ابي تبرير وش فيني..
هي الدنيا كذا دايم على الطيبين بس تبخل..
سؤال يدور في ذهني جوابه ليته يشفيني..
في قلبي حب لو أعطي أغرق كون بالأكمل..
أنا جربتني مره في حب طاح من عيني..
من اللي يستحق إني عشانه فكري يتبدل..
من اللي فالبشر وده بعد مامت يحيني..
عجزت أفهم بني آدم مسائل ماتبي تنحل..
جمعت أحبابي في كفه وطت كفة عدويني..
كتبت أبيات ترثيني أبي عن دنيتي أرحل..
وأنا أدري لارثا نافع ومابه ناس تبكيني..
انا ضاقت بي احوالي بعدماكوني تحول..
وجار الوقت بأحزانه وصار الهم يطويني..
وكوني قد متحول ثمان سنين او أطول..
انا يعني من الآخر زماني دوم مشقيني..
ولابه يوم مفرحني هذا حالي ماتبدل..
تحــــــــshــــياتــــي..:g20: