المشاركة الأصلية كتبت بواسطة القصواء

مرحبا حبيبتي

شوفي قسمنا فيه دكتورات ينحطون على الجرح يبرى وعلى النقيض فيه دكتورات ودكاتره ظالمين

كل قسم فيه الزن والشين لكن يعتمد على قدرتك وتمكنك من اللغه سواء بالقرامر او اللغه نفسها

اذا بتنقلين من جامعتك لان جامعتنا افضل فأنا اقولك ترى الظلم الي عندنا اعتقد اوسع من النطاق الي عندكم (دكتوره عندنا كانت مره حليوه وتساعد البنات وتعطينا درجات حلوه وتحذف لنا اشياء وعطتنا بالنهائي درجات روعه ، الزبده الترم الي بعده هاووشوها ومادري بعد اذا فتحو لها محضر تأديبي لانها تساعد البنات وتنجحهم بعدها صارت حازمه ولاتتساهل ابد ورسبت اغلب البنات )

ايش رايك بالظلم :) ؟

حسب ماسمعت ان جامعة الحسا دكاترتهم طيبين ويعطون درجات عالية علشان كذا معدلاتكم عالية عكسنا لان اعرف بنات درسو صيفي عندكم واغلبهم خذو اي وبي

لكن نرجع ونقول كل جامعه فيها ظلم لكن يختلف مقداره من جامعه لجامعه
الزبدة بالموضوع انتي لازم تشدين حيلك وتقوين لغتك بشتى الوسائل علشان ماتعتمدين على سالفة ان جامعة اسهل من ثانية وامشي ولا ما امشي

ماحد راح يمشيك او ينجحك اذا مستواك ضعيف انتي لازم تعتمدين على نفسك وتتحدين كل شي وتقوين لغتك وفيه وسائل كثيرة لتقوية اللغه

اسفه على الإطالة
واتمنى اني افدتك