مايمدح السوق إلا من ربح فيه
ياعزيزي الثلاثين درجة هذي هي أهم شي عند طالب الانتساب وحريص إنه مايضيعها لأنه مايدري عن ظروف الإختبار ومع حرصنا واهتمامنا بها والبعض منا كان يحل ويحمل مرتين للتأكيد عشان ماتروح عليه الدرجات مع أنظمتهم الفاشلة اللي شوي على البلاك بورد وشوي على الافتراضي نتفاجأ إن أكثرنا راحت عليه درجات مشاركة
عزيزي حط نفسك مكاني أنا حملت مادتين وحده باقي لي عاى النجاح 3درجات والثانية باقي 7 درجات وكانو منقصيني في كل مادة عشر درجات مشاركة يعني لو ماضيعو علي درجات المشاركة ظلم ماكنت حملت مواد
رجاء يا إخوان اللي ناجح وفرحان الله يهنيه بس لايجي يتكلم عن شي مايدري عنه ليه هل الجامعة وأنظمتها معصومين من الغلط والزلل حنا ناس وقع علينا ضرر ونحاول نبين هالشي للمسؤلين ولانتهم الجامعة بتعمد الظلم ولكن الخطأ وارد في كل شئ
والخطأ مردود
يعني لما حصل تسرب لأسألة بعض الموادكان خطأ وقررت الجامعة إعادة اختبار المواد اللي تسربت أسألتها واللي حاصل الحين في درجات المشاركة خطأ كبير ألحق الضرر بكثير من الطلبة والسبب الرئيسي فيه هو الأنظمة اللي في كثير من الأحيان عطلانه
المطلوب من الجامعة فتح فرصة للطلاب التي نقصت مشاركتهم للتعويض وإكمال الدرجات