الحمدلله تخرجت بعد تاخير 7 سنوات مع معاناه المرض وطرد الجامعه
اللهم لك الحمد
والفال لكم تتخرجون
نصيحه يابنات من قلب يحبكم
لاتيأسون
لاتعطون الدنيا اكبر من حجمهاا
انا دخلت الكليه 2003 مع دفعتي انا مواليد 1407
قسم انجليزي
ربي ماكتب لي اكمل فيه
حولت رياض اطفال
درست فصل واحد رسبت باربع مواد وانطردت
مايأست
كملت دراستي دبلوم هندسه
دورات من المعاهد
توظفت تطوعي
مرضت وبشده
لكن بس ادعي ربي يعوضني بما فاتني
فعلا ماتركت الدعاء
لدرجه اهلي سجلوني بنعيريه وانا مادري
كتبو قسمي دراسات وانا ماخترته
زعلت وبقوه لانه القسم صعب وفيه نحو وانا خلقه لوح خشب بالنحوو
مصاعب كثيررره
مبنى مهمل
مافيه مويه
تعامل اداري فاسد
مشوار 150 كيلو رايح و150 كيلو جاي
وحر موت ماعندنا زيكم قاعات مكيفه نص الكليه بررر وكانت ثانويه سابقه وياكثر حالات الاغماء اللي تصير قدامي من ضربه الشمس
تعبت كثيررررر
والحمدلله ماخابت
وتخرجت
صحيح تخرجت انتساب بس فرحانه
والله فرحانه
ومتاكده اللي رزقني من دعائي بيرزقني كل ماادعيه
لاتزعلون لو رسبتو
لاتزعلون بس وكلوها لربي سبحانه