أولا بتكلم عن القسم
قسم التربية الخاصة جدا إنساني وراقي .. ولازم يكون عندك عزم وإصرار
على مساعدة الفئة المستهدفة بالدراسة .. وحلو كثير نسأل عن دكاترة القسم
وناخذ خلفية عنهم بغض النظر هل هم عادلين أو ظالمين .. بس الأحلى أنو
أعرف ايش أنا أبغى بالضبط .. وايش الفئة اللي أنا حابة أساعدها ( تخلف فكري - ذوي الاحتياجات السمعية -ذوي صعوبات التعلم) وكمان ما أخلي أي دكتور/ة .. يأثر على اختياري ..
ثانيا / من خبرتي البسيطة بالدكاترة راح أتكلم عنهم بس طبعا رأي شخصي ويمكن كثير يعارضوني عليه
د.ناهد حسن آل حمد(منسقة القسم )>> دكتورة من السودان .. فااااهمة جدا .. ومستوعبة مسارت القسم ككل ..
طبعا هي تخصصها (تخلف فكري) بس ما شاء الله عليها فاهمة ايش اللي تدرس وتجاوب على أي تساؤل يمكن يخطر
ببالك لأنها مثقفة ..
طريقة شرحها .. عن طريق العروض والكتاب .. نوعا ما ممل .. وباااردة .. يبين عليها انها ما تنتبه للبنات أو بالعامية (مفهية) بس هي غييير كذا تمااامااا .. تعرف ايش اللي يصير بالمحاضرة وتعرف البنت اللي منتبهة واللي تلعب بالجوال مثلا واللي تسولف ..الخ
أسئلتها دقيقة منوعة ما بين السهل والمتوسط والصعب ..
ركزي على اللي تقوله واللي مكتوب بعروض الباوربوينت
تهتم كثير بالمصطلحات الانجليزية في الاختبار مع انها في الشرح ما تذكرهم بس تحطهم لك بعرض البوربوينت
حتى لو ماكان المصطلح مكتوب الكتاب بس موجود بالعرض احرصي تكتبينه
(طبعاعرض البوبوينت هو نفسه اللي بالكتاب بس مرتب أكثر فأنتي تأشرين اللي مكتوب بالعرض من الكتاب و
إذا فيه إضافات تكتبينها وزي ما قلت المصطلحات الانجليزية)
ولما مثلا فيه فقرة كاملة وواضحة بس فيه كلمة من هذي الفقرة مو واضحة وشرحت معناها اكتبيه حتى لو ذكرته شفهيا
ومو موجود بالكتاب أو بالعرض لأنه غالبا يجي موضع سؤال ..
درستني مقرر (صحة نفسية - مهارات التواصل لذوي الاحتياجات الخاصة -وكمان الاضطرابات السلوكية وتعديل السلوك)
آخر نقطة .. الغياب والحضور مهم جدا جدا .. لأنها تخصم من أول غياب حتى لو بعذر لأنها تقول أنو سياسة القسم كذا
انو ( الغياب من أول مره يخصم منه درجات سواء كان بعذر أو بدون عذر .. وإذا كان بعذر فالعذر فقط عشان ما ينزل لك حرمان ) وأكيد لازم تشاركين معها
وتقسم الدرجات عندها /
5 درجات>> حضور ومشاركة
5 درجات >>للاختبار القصير
25 درجة للاختبار الشهري
5 درجات >> للعمل الجماعي
10 درجات >> للعمل الفردي
50 درجة >>للاختبار النهائي
د.لبنى نعمان النور >> تخصصها صعوبات تعلم .. أيضا من السودان ..درستني مقدمة في الإعاقة السمعية .. كان شرحها عادي من عروض البوربوينت وانتي تأشرينه في الكتاب وإذا فيه شي خارجي راح تكتبينه وراها
شاركي معها كثير .. جدا طيووبة ومحترمة وتسلم عليك اذا مرت من جنبك .. متواااضعة .. بس درجتك اللي بتاخذيها في الاختبار هي درجتك يعني ما تزيد إلا في حالات ..
أسئلتها في النصفي كانت حلوة .. في النهائي صار فيه لخبطة لأنها مشتركة مع دكتورة ثانية ..بس ساعدتنا ما قصرت
طبعا هي تقسيم الدرجات / مثل تقسيم د.ناهد
يتبع..