ليت الثلاثاء مانكتب يوم بكتاب
من غبت ياجبر القلوب المكاسير
كل ماذكرته قمت للوصل طلاب
وقلت القطاعه في هل الرحم تقصير
وين انت ياغيثن من الجود صباب
يمينك اكرم من سحابن مزابير
وين انت يامعتق من الحاجه ارقاب
ايضا وبك لطفن وحكمه وتقدير
قالو مريض وقلت شفاااي لاطاب
وقالو بعيد وقلت حنا المعاتير
والله لو تطوى له بحور وهضاب
ماهو جزى له مير للشوق تصبير
انا اشهد ان الحب تكتب له اسباب
وماكل قاعن فيه تنيت نواوير
الله يرجع كل غايب بالسلامه