الزمن ,,,,, للشاعر المبدع / محمد الحويمانى ,,,,,
وآخر خضـار العمـر لآول جفافـه
سلم ثلاثين التعـب واعتـرف لـي
الشيب لاح ..وكل عمـر وضفافـه
وأخذت اعيد اللي مضى وانعزف لـي
لحنٍ كسى كـل الضلـوع ارتجافـه
مثل العتب (ليه التعب ماخلـف لـي)
رفيق عمري....عمري وصرت أخافه
ولا بقى غيرك طموح وشرف لـي !
محتاج لـك خـل العتـب والكلافـه
يكفي عتب حالي لحالي وشـف لـي
من صوتك الدافـي حنـان ولطافـه
محتاج أحس ان الزمان انتصف لـي
ولاتلحق دموعـك علـيً بحسافـه
لا صار قـدري قـد ماينـذرف لـي
في غيبتك ...تزداد الاشياء صلافـه
في غيبتـك ياكثـر ماينكشـف لـي
وأزيد انـا حزن..وهموم..ونحافـه
وآقف على جال التعب وأغرف لـي
يابوح شعـري يابعـد نبـض قافـه
من غير ماأحلف لك ولاانت تحلف لي
الذنب ماهـو ذنـب بعـد ومسافـه
ولاهو بذنب اللي هقيته وقـف لـي
كذا الزمان اللـي سمانـه عجافـه
وان قلت لي حاول بعد واعترف لـي
أقول لك وبصدق ينـزف حسافـه :
(كبير لكن الزمـن ماعـرف لـي )
طبعا هذا مقطع منها فقط ومن جمالها والله انى عدتها مليووون مررره وماادرى ليه ؟؟؟