2012- 6- 16
|
#136
|
|
أكـاديـمـي ألـمـاسـي
|
رد: مهارات وابداعات طلاب وطالبات التعلم عن بُعـد
ماشاء الله تبارك الله قامات عالية جداً بعمر الشباب 
بالنسبة لي ماسويت لسى شي مهم بحياتي ،، مجرد خلصت الثانوي درست شبكات حاسب
آلي لمدة سنتين ، بعدها جلست 9 شهور انهد حيلي ادور وظيفة بالاخير حصلت وظيفة ( مراسل ) .. يتبع لإحدى الشركات المتعاقده مع الاتصالات السعودية براتب 2159 ريال فقططط والله للحين اذكر الـ 59 ريال ههههههه .. ماكان عندي الخيار .. لو راتب 500 ريال ولا اجلس بالبيت ويصرفون علي العالم ! .. اللهم لك الحمد والشكر هالوظيفة البسيطة والصغيره فتحت لي ابواب الرزق ، اذكر توظفت فيها بـبداية 2008 وبعدها بسنة ونص تقريباً وبتوفيق الله سبحانه ثم علاقات ( المراسل ) قدرت اوقع عقد جديد مع شركة أخرى متعاقدة مع الاتصالات براتب 4000 ريال بوظيفة فني في بحر 2009 وماغير اطامر فوق ابراج الجوال كل صبحية ههههههه  ،، وشفنا الويل على حر الشموس والغثا بس سبحان الله يرزق من يشاء بغير حساب تسهلت اموري والآن انا جالس ورى مكتب وش زينه كمدير مكتب أحد مدراء إدارات شركة الاتصالات السعودية براتب يساوي 4 اضعاف راتبي في بداية حياتي العملية والحمد لله وقريباً الزاوج والاستقرار ان شاء الله .. لذلك ياشبابنا ارضى بأي وظيفة وتحمل شوي صدقني ربي يرزقك من حيث لا تحتسب واجتهد وامورك بتزين ان شاء الله ..
احس جبت قصة حياتي ههههههه المهم انا خبرتي في مجال الاتصالات
شبكات الجوال ,, ودراستي لإدارة الأعمال حالياً لتعويض مافاتني من دراسة
وان شاء الله مايردنا الا الماستر ويمكن الدكتوراه
اللي يحز بالخاطر شوي هو أن هالظروف أخرت من زواجي لكن كل تأخيره فيها خيره
|
|
|
|
|
|