ملتقى طلاب وطالبات جامعة الملك فيصل,جامعة الدمام - عرض مشاركة واحدة - مهارات وابداعات طلاب وطالبات التعلم عن بُعـد

Turning point · 2012- 6- 16

اقتباس:

المشاركة الأصلية كتبت بواسطة فضيل

والله انا مستحي من كثر أسئلتي ، لكنك ما شالله عليك، حافظة احسن من قوقل !! هههههههه

خلاص سؤال أخير ومهم؟ وش هي الجامعة سهلة القبول وفيها عرب؟

وأدعو الله لك التوفيق لتحقيق اعلى الطموحات!

شوف السعودين في امريكا زي مايقولون تحت كل حجر كثيرين والعرب هناك اكثر واكثر ماتخاف بس خليك شوي حذر من بعض العرب ممكن ينصبون على اللي ماعنده خبره

انا ارشح لك جامعتين القبول فيها سهل الاولى اللي هيا جامعة بيتسبيرج في مدينة بيستبيرج في ولاية بنسلفانيا هاذي الجامعه عريقه مره وترتيبها 58 يعني مرة متقدم المستشفى التابع لها افضل مستشفى في العالم لزراعة الاعضاء يتعالج فيه علية القوم والطلبه السعوديين هناك مفخرة للوطن وبرغم عراقة الجامعه بس قبولها سهل لسبب انها ماتعطي قبول مشروط يعني تجيها جاهز بالايلتس والدرجه اللي تشترطها شوفها انت في الموقع ولا تخاف الدراسه مو صعبه على الجادين اللي زيك
المدينه رائعه تقع على ثلاثة انهارتسمى مدينة الجسور بها 400 جسر حول الانهار تبعد عن واشنطن حوالي 3 او اربع ساعات انا ماانصح الطلاب يدرسون بعيد عن الملحقيه لان الملحقيه تعاملها للاسف غير مرضي ولازم تكون قريب منهم عشان تنط لهم لما تحتاجهم لانهم مايردون على الايميلات يمكن لكثرة الطلاب
انشالله تلاقي تخصصك فيها اليك لرابط

http://www.google.com.sa/url?q=http:...HUOCZe8603QXEQ

الجامعة الثانيه هي جامعة اولد دومينيون جامعه متوسطه في مدينة نورفولك على المحيط في ولاية فرجينيا قبولها سهل وفيها عرب وبالذات كويتيين الجامعه الحقت حديثاً بوزارة التعليم العالي عندنا
المدينه تبعد اقل من ساعتين عن واشنطن وفيها نسبة مسلمين كثير معظمهم من السود يمثلون 45 % من نسبة السكان يوجد في المدينه مركز اسلامي في الحرم الجامعي وتقام به خطبة وصلاة الجمعه وكمان فيه حلقات لتحفيظ القران بعد صلاة الفجر والمدينه هي قاعدة عسكريه لاكبر اسطول بحري على الاطلنطي يعني الامن تمام وفيها سكان يعني مو بس قاعدة وحواليها مدن كثير يعني كل 10 دقايق مدينه والطبيعه خلابه والمطر شبه يومي
بس ماادري اذا تخصصك موجود فيها اكثر شهرتها في البزنس

http://www.google.com.sa/url?sa=t&rc...uUuoHzwoLlKXZQ
طبعا لاينظر في اي طلب الا اذا عبيت الابليكشن حق الطلب وسددت رسومه عبر الفيزا معظم الجامعات تطلب 100 دولار قبلوك ولا ماقبلوك تدفعها
للمعلوميه الاجراءات تطول اقل شي 6 شهور ويمكن اكثر مابين مراسلات وفيزا
ترسل الاوراق عبر الدي اتش ال ب500 ريال تصل في 84 ساعه الى الجامعه
او عبر البريد السعودي 130 ريال تصل في اسبوع بس خذوا رقم الطرد عشان تتابعون سير التسليم
الفيزا لو كنت على حسابك لايمكن القنصل يعطيك اوكي الا اذا كان قدمت له كشف حساب يوجد به 100 الف ريال اللي جربوا 60 الف مسكوهم الباب وماعطوهم التأشيرة
حاضرين للجميع اللي عنده استفسار يتفضل