|
رد: - ––––•(-• تجمــع بنــات الدبلوم التربوي 2013 •-)•–––– -
البنات اللي ما انقبلوا حابين يدرسون العام الجديد .....
وش رايكم اقتراحي ...
وهو اننا نتجمع ونكتب خطاب ونرفقة باسمائنا وتواقيعنا ونرفع الخطاب لعميد كليه التربية قسم الطلاب لانه هو نفسة عميد كليه التربية للبنات بالدمام او لمدير جامعة الدمام بكبرة ... و اننا نطالب بانهم يفتحون مراكز للدبلوم في اكثر من كليه من كليات جامعة الدمام ... موبس في كليه التربية الدمام اللي اساسا توها فاتحه ماصار لها سنه ومبناها كم قاعة في داخل كليه العلوم (القديمة)
يعني ممكن يفتحون الدبلوم بكليه التربية بالجبيل او بالنعيرية او بكليه المجتمع او بكليه الدراسات التطبيقية وخدمة المجتمع اللي بالراكـــه بالجامعة الدمام
يعني في اماكن كثير ممكن يفتحون فيها الدبلوم ويستوعبون اكبر عدد من الطالبات في السنة الواحدة لان خريجات الغير تربويات من جامعه الدمام كثير وكل سنة يتخرج فوج جديد وما اتوقع لو نجلس خمس سنين قدام راح يتغير شيء وننقبل اذا استمروا كذا شيء يقهر
عندي اقتراحات كثير ممكن تحل هالمشكلة ...بس ياليت احد يسمع ...
واتمنى انكم تكونون جديات .. بهالموضوع لانه مابقى شيء على رمضان والدوام راح يكون بشوال
|