|
رد: ليه تظنّ بي وانا ماظنيت بك ....؟؟؟؟
وعليكم السلام ورحمة الله .,.
الظن بالاخرين قبل مايكون ظلم لهم هو ظلم للنفس .. لان ببساطة قاعدين نوزع حسناتنا من حيث لانشعر ..
غالبا مايكون نتيجة تسرع او ان مانعطي فرصة لأنفسنا أن نفهم الاخر بعيد عن انطباعنا الاول عنه ..
الانطباع الاول غالبا ماتؤثر في حكمنا او الظن بالاخر وهاللشيء عانيت منه شخصيا .. بس جاهدت نفسي اني اتخلص منه ..واترك الخلق لربهم
يعني في أشخاص مجرد ماتشوفينهم ماتقدرين تمنعين نفسك ماتقولين : ياصبر الأرض ..! تشوفينهم أشخاص مستفزين حتى بدون ماتتعاملين معهم .. لكن ممكن هم حبوبين وطيبين ..
مثل ماالشخص اللي يعاني من وزن زائد يوحي بالإهمال والبلادة .. لكن ممكن عنده خلل هرموني او مرض ما ..
أو شخص يضحك ويستهبل ويتأرقز ( من أراقوز)طول الوقت لكنه ممكن يعاني مشاكل شخصية و يحاول يخفيها ..
الزبدة .. اذا ماكننا نقدر نمنع انفسنا من الظن بالاخرين خل نتعامل مع حسناتنا بأنانية وشح وبخل ومانوزعها يمين وشمال ..
يعطيك العافية
|