1- طريقة المذاكره
على حسب المادة اخترع الطريقة
2 - افضل ماكان ووقت للمذاكره
افضل مكان غرفتي وأفضل وقت بالنسبة لي من 10 بالليل الى 12 وبعدها ارتاح ساعتين وأطلع واتعشى واتمشى وارجع من 2 الى الفجر واصلي وانام واصحى 6 للدوام ( طبعا نومة العصر هذي مهمة بحياتي والا ماعرف اسوي شي بالليل ) والويك إند فلّه
3 - هل القراءة المحتوى مفيده او لا
طبعا مفيدة لأنها ترسخ المعلومة وانا اقرا اتذكر كلام الدكتور واتخيله وأدقق على لزماته وأخذها بضحك و وناسه عشان ماانسى إضافة إلى الكتاب لو مافهمت شي معين ممكن يكون بالكتاب مشروح بإسهاب
4 - مهي المواد الى تحب تبداء فيها قبل الاختبارات بفتره طويله
المواد الصعبه احاول اجهز لها قبل الاختبار بفترة شهر ونص تقريبا واذا جا قبل الاختبار بأسبوع اركز عليها أكثر
5 - المحاضرات هل تحتاج للستماع او نكتفي بالمحتوى
كلما كانت المعلومه أكثر من جهه يقدر الواحد يتشرّب المادة بشكل أكبر ويصير خبير فيها بغض النظر عن الدراسه او غيره
6 - هل المناقشات نحتاج لمذاكرتها
المناقشات هي نفس اللي درسناه يعني مااتوقع فيها شي جديد ولكن الفكرة منها تحرك الذاكرة شوي وتخلي الواحد يشوف من ردود الطلاب وش اللي فاته و أيش اللي هو عارفه أكثر منهم ويستفيد ويفيد إضافة إلى معرفة أسلوب الدكتور والأشياء اللي تهمه واللي ممكن تجي عليها أسئلة بالاختبار من موضوع النقاش
7 - ماهي اهمية الواجبات
الحصول على الدرجات ومعرفة أسلوب الدكتور بالأسئلة بشكل مبدئي
8 - المناقشه مع الاعضاء في المنتدى هل لها فائده او قد تسبب اخطاء ولخبطه لنا
لها فائدة طبعا بس المشكله مافيه تنظيف أول بأول وحذف المواضيع الخربوطية وبالحالة هذي بعض الطلاب يضيعون خصوصا اللي معتمد بمذاكرته على الملتقى والملخصات وهذا غلط منهم لأن المفروض يعتمد على المحاضرات المسجله والمحتوى والكتاب المقرر واذا استصعب عليه شي او حب يطرح فكرة جديدة يجي الملتقى بس للأسف أحس الملتقى صار ( شات ) مع احترامي للقائمين عليه بس هذا اللي انا الاحظه من ردود ومواضيع تطرح من البعض الله يهديهم وماادري ليه محد طايق الثاني ببعض الردود تحسون بينهم ثار والا شي ههههه وكل واحد جاي بطريقة انه هو الصح و انه هو أحسن واحد ونسى ان هذا الشي مو كويس لصحته
