ملتقى طلاب وطالبات جامعة الملك فيصل,جامعة الدمام - عرض مشاركة واحدة - مشكله كبيره أرجو حلها لي ومحاسسبة من كان السبب بها ,,,

مركز الجاذبيه · #1 2009- 12- 23

السلاااااااااام عليكم ورحمة الله وبركاته

مشكلتي كبيره أبغى أشكي لكم لعل أحداً يستطيع

مساعدتي ومساعدة بناتنا الطالبات المظلومات في القطاع التعليمي وبكليات التربيه

للأقسااااااااااااام العلميه والادبيه على حد سواء .....

أنا ولله الحمد لمن أخذت نتيجتي من الكليه العاااااام مكتوب ع ورقة النتيجه

ناااجحه ومنقوله ع الرغم من اني حملت أربع مواد .. رحت ع بدايه العام على شأن

أتأكد لقيت إدارة الكليه ناقليني لسنه رابعه ومنجحيني طبعاً فرحت بالنتيجه

وصرت برابع وإمتحنت شهري الحين وخلصت وإمتحنت مادة من مواد العملي وطبقت بإحدى

المدارس بالمنفصل والسبت يبدأ تطبيقنا للمتصل .... وبعد شهر تقريباً نبدأ نمتحن

نهاية الفصل وختمنا أغلب مناهجنا ولله الحمد ,,,,

إنصدمت اليوم ان رئيسة قسمي قسم الأحياء الأستاذه إخلاص تقول

للبناااات انها تبيني ضرورري وما عرفت السبب الا لمن رحت لها

تخيلوا وش قالت لي ؟ قالت لي اني باقيه بثالث ومش منقوله لسنه رابع :s12:

انصدمت من هول الموقف وجمدت شوي وبغيت أطيح ع طولي ,,,

قلت لهااا شلون بثالث وانتم قايلين اني برابع

وناقليني لرابع وع أساس اني ناجحه وبعدين والامتحانات التي امتحنتها

وتعبي وحضوري بالمحاضرات وتطبيقي بالميداني والخسائر المعنويه والماديه

وحاااااااااالتي النفسيه وووو............الخ

وبعدين وينكم من زمان ما أنتبهتوا لغلطتكم اللي رحت انا ضحيتها

يعني ع نهااااااااايه الفصل الاول تقولون لي وبعد شنو ؟

ردت رئيسه القسم اخـــــــــــلاص وقالت

توني انتبهت لأسمك وكنت ناسيتك أصلاً احمدي ربك اني تذكرتك

ولا تتكلمي ولا كلمه أرضي بأمرك وأسكتي يابنت :t1:

كان تنط العجوز الكحيانه سهااااااام معلمة وراثه ~ وخليه ..

بجنب رئيسة القسم وتقول عادي

نمزق اوراق امتحاناتك ولا كأنك امتحنتي وتردين لثالث ولا كأن شئ صااار

ما أنتِ أول بنت أكلت هواء من وراناااااا ؟؟

قلت انا شلون كذا لا مايصير عفواً بس أنا وش ذنبي تدهورني بسبب إهمالكم

ونومكم بالعسل ,,, كان احشرني وقالن خلاص الموضوع اتقفل وانتِ باقيه

بثالث ,,,

معقوله يعني يرضيكم وضعي وفوق كل هذا قالت بتقطع تعبي وجهدي وسهري

وترميه بسلة المهملات أذاكر واسهر واتعب وبالاخير شنو

قطع الله رزق كل الظالم

الله حرم الظلم ع نفسه كيف البشر يظلمون

وفوووووووووووووووق هذا كله عجايز الوحده يالله تشوف وتقرأ وان شرحن

يقطن خيط وخيط وثلاث ارباع وقت المحاضره سوالف خارج نص الدرس

يعني أبغى انسااان يحل مشكلتي ويشيل شلة العجائز اللي

ضيعن ودمرن مستقبل البنات بسبب إهمالهن وأخطائهن التي لا تغتفر

والله ان الوحده متعديه الخمسين سنه يالله تمشي خطوتين

ويالله تتهجأ حروف اسمائنا وتقرأ الدرس كيف تشرح وكأن الكليه

داااااااااااار للعجزه (ما نفهم عليهن أبد غير خلاص وبدي أكل جعت )

ورغم هذا متحملينهن ومحترمينهن وعاضات ع جروحنا ونتألم بصمت

تكفون أبي فزعتكم حلوا لي قضيتي ,,,,

ن.ب. طالبه بسنه رابعه أحياء

ويقولون بثالث أحياء باقيه ,,, الكليه العلميه بالحفر

حسبي الله ونعم الوكيل ,,,, أول مره بحياااتي أشكي