ملتقى طلاب وطالبات جامعة الملك فيصل,جامعة الدمام - عرض مشاركة واحدة

شعاع الأمل · 2012- 6- 20

الله يسلمك ويحفظك اخوي وامين يارب يبعدنا جميعا عن النار ويسلمنا من عذابه

بالنسبه للمحاسبة2 هي اسهل من المحاسبه1 بس ماذبحنا الا كثرة الجداول بالاختبار الاول وكثرة المسائل بالاختبار الثاني تخيل تقريبا 40 مسأله إذا مو اكثر وجبت فيها درجة مو حلوه D+

واعتمدت ملخص فهد الشمري وهو يكفي ويوفي + نماذج اسئلة الاختبارات للسمسترات الماضيه واحاول وقت الاختبار اتواصل مع مواضيع الطلاب حتى استفيد اكثر من ملاحظاتهم وهم ماقصروا رحم الله والديهم

بالنسبه للأقتصاد الكلي هو اسهل من الجزئي واعتمدت ملخص الأخت
~} خجل .. + نماذج الاسئله ومتابعة ملاحظة الدكتور حول المحاضرة السابعه والثالثه المباشره وملاحظات الاعضاء والحمدلله جبت فيه A ومذاكرتي كانت بس وقت الاختبار

بالنسبه لتقنية المعلومات1 ماده حلوه يشرح لك فيها بعض برامج الكمبيوترمثل برنامج الورد والاكسل
يعني هي مادة عن الكمبيوتر واجزائه وبرامجه وذاكرته بشكل شامل
واعتمدت على ملخص الأخت دلـــو + النماذج وملاحظات الطلاب

بالنسبة لنظم المعلومات الاداريه وهذي اخذتها من مستوى ثالث ماده دسمه وكثيرة الهذره وجابت لي الهم من اول ما بدات اذاكرها بس تواجد دكتورها معانا بالملتقى ومساعدته وحضوره خفف عنا المعاناه
واعتمدت على ملخص الأخت تذكار العنزي كامل ووافي وشامل
اسئلة الاختبار مو كلها صعبه وجايه من السمسترات الجايه لكن للدكتور كم سؤال اجابتها من بين السطور وهذا اللي شتت الطلاب جبت فيها B ولله الحمد ولو اني مطلعه عليها من بداية السمستر
شان جبت فيها A+
واذكر وقت مراجعتها للأختبار كان في موضوع لأحد الاخوات عبارة عن شقلبه الاسئله والدكتور اعجب كثير بالطريقه وقال وهو يمزح والله العالم اذا يطبق ولا لأ انه راح يطبق هالشقلبه بنماذج الاختبارات الجايه

مهارات اتصال هم هذي من السمستر الثالث ماده سهله وحلوه كلها عن الرسائل وطرق اتصالاتها
بس المشكله اللي صادفتنا ان دكتورها حسب ماسمعت اول مره يمسك هالماده فكنا مانعرف شي عن اسلوبه بطرح الاسئله ويختلف اسلوبه عن اسلوب دكتور السنه الماضيه لنماذج الاسئله
وهم الحمدلله جبت فيها B+
اعتمدت على ملخص الأخت ليمونه حامضه حلو ومرتب + نماذج الاسئله ومتابعة ملاحظات الاعضاء

اخر ماده اخذتها الرياضيات وللأسف حملتها

الدكتور لاشرح ولا اسئلة سنعه
وهذا مو رأي لحالي حتى لايجي احد ويقول بالعكس الاسئلة سهله ومواضيع الاعضاء بخصوص
هالماده والمحاسبه2 خير دليل وشاهد

اعتمدت على محتوى المحاضرات نفسها مو ملخص + محاضرة رقم 14 كانت تقريبا شامله للمنهج
+حل بعض نماذج اسئلة السمسترات الماضيه جبت فيها للأسف 21 درجه بالاختبار ناقصني 9 درجات وانجح ومن العوامل اللي ماساعدتني بالنجاح فيها اول عامل ضيق الوقت ساعتين ماتكفي
وياليت الجامعه يشوفون لنا حل يناسبنا ويناسبهم عالاقل 3 ساعات للرياضيات
اتذكر بقى لي قرابة20 سؤال حليتهم بخمس دقائق والمراقبه فوق راسي تبغا تسحب الورقه
واكيد الحل كان عشوائي مافي مجال احل المسائل

+ شرح الدكتور اللي يجيب لك النوم

اتمنى اني خدمتك اخوي بطريقتي لإجتياز الاختبار واعيد واكرر لو مذاكرتي
من بداية السمستر

شان فالي A+ بس مذاكرتي بدأت فيها قبل الاختبار بعشرة ايام

ومع ذالك الحمدلله معدلي بدون ما احسب الرياضيات 3,99

ومع الرياضيات المحمول

3,39

2012- 6- 20	#14
شعاع الأمل أكـاديـمـي فـضـي الملف الشخصي: رقم العضوية : 88706 تاريخ التسجيل: Wed Sep 2011 المشاركات: 554 الـجنــس : أنـثـى عدد الـنقـاط : 15164 مؤشر المستوى: 77 بيانات الطالب: الكلية: كلية الإداره الدراسة: انتساب التخصص: إدارة اعمال المستوى: المستوى الثامن	رد: الى مستوى ثاني إداره بالنسبه للمحاسبه2 الله يسلمك ويحفظك اخوي وامين يارب يبعدنا جميعا عن النار ويسلمنا من عذابه بالنسبه للمحاسبة2 هي اسهل من المحاسبه1 بس ماذبحنا الا كثرة الجداول بالاختبار الاول وكثرة المسائل بالاختبار الثاني تخيل تقريبا 40 مسأله إذا مو اكثر وجبت فيها درجة مو حلوه D+ واعتمدت ملخص فهد الشمري وهو يكفي ويوفي + نماذج اسئلة الاختبارات للسمسترات الماضيه واحاول وقت الاختبار اتواصل مع مواضيع الطلاب حتى استفيد اكثر من ملاحظاتهم وهم ماقصروا رحم الله والديهم بالنسبه للأقتصاد الكلي هو اسهل من الجزئي واعتمدت ملخص الأخت ~} خجل .. + نماذج الاسئله ومتابعة ملاحظة الدكتور حول المحاضرة السابعه والثالثه المباشره وملاحظات الاعضاء والحمدلله جبت فيه A ومذاكرتي كانت بس وقت الاختبار بالنسبه لتقنية المعلومات1 ماده حلوه يشرح لك فيها بعض برامج الكمبيوترمثل برنامج الورد والاكسل يعني هي مادة عن الكمبيوتر واجزائه وبرامجه وذاكرته بشكل شامل واعتمدت على ملخص الأخت دلـــو + النماذج وملاحظات الطلاب بالنسبة لنظم المعلومات الاداريه وهذي اخذتها من مستوى ثالث ماده دسمه وكثيرة الهذره وجابت لي الهم من اول ما بدات اذاكرها بس تواجد دكتورها معانا بالملتقى ومساعدته وحضوره خفف عنا المعاناه واعتمدت على ملخص الأخت تذكار العنزي كامل ووافي وشامل اسئلة الاختبار مو كلها صعبه وجايه من السمسترات الجايه لكن للدكتور كم سؤال اجابتها من بين السطور وهذا اللي شتت الطلاب جبت فيها B ولله الحمد ولو اني مطلعه عليها من بداية السمستر شان جبت فيها A+ واذكر وقت مراجعتها للأختبار كان في موضوع لأحد الاخوات عبارة عن شقلبه الاسئله والدكتور اعجب كثير بالطريقه وقال وهو يمزح والله العالم اذا يطبق ولا لأ انه راح يطبق هالشقلبه بنماذج الاختبارات الجايه مهارات اتصال هم هذي من السمستر الثالث ماده سهله وحلوه كلها عن الرسائل وطرق اتصالاتها بس المشكله اللي صادفتنا ان دكتورها حسب ماسمعت اول مره يمسك هالماده فكنا مانعرف شي عن اسلوبه بطرح الاسئله ويختلف اسلوبه عن اسلوب دكتور السنه الماضيه لنماذج الاسئله وهم الحمدلله جبت فيها B+ اعتمدت على ملخص الأخت ليمونه حامضه حلو ومرتب + نماذج الاسئله ومتابعة ملاحظات الاعضاء اخر ماده اخذتها الرياضيات وللأسف حملتها الدكتور لاشرح ولا اسئلة سنعه وهذا مو رأي لحالي حتى لايجي احد ويقول بالعكس الاسئلة سهله ومواضيع الاعضاء بخصوص هالماده والمحاسبه2 خير دليل وشاهد اعتمدت على محتوى المحاضرات نفسها مو ملخص + محاضرة رقم 14 كانت تقريبا شامله للمنهج +حل بعض نماذج اسئلة السمسترات الماضيه جبت فيها للأسف 21 درجه بالاختبار ناقصني 9 درجات وانجح ومن العوامل اللي ماساعدتني بالنجاح فيها اول عامل ضيق الوقت ساعتين ماتكفي وياليت الجامعه يشوفون لنا حل يناسبنا ويناسبهم عالاقل 3 ساعات للرياضيات اتذكر بقى لي قرابة20 سؤال حليتهم بخمس دقائق والمراقبه فوق راسي تبغا تسحب الورقه واكيد الحل كان عشوائي مافي مجال احل المسائل + شرح الدكتور اللي يجيب لك النوم اتمنى اني خدمتك اخوي بطريقتي لإجتياز الاختبار واعيد واكرر لو مذاكرتي من بداية السمستر شان فالي A+ بس مذاكرتي بدأت فيها قبل الاختبار بعشرة ايام ومع ذالك الحمدلله معدلي بدون ما احسب الرياضيات 3,99 ومع الرياضيات المحمول 3,39
	التعديل الأخير تم بواسطة شعاع الأمل ; 2012- 6- 20 الساعة 03:58 PM