السلام عليكم ورحمة الله وبركاته







نظراً لكثرة التساؤلات عن مواد المستوى الثاني ، قررت أنزل موضوع لتجدوا فيه أجوبة لجميع تساؤلاتكم..






كلمة لكل مادة :







(رياضيات2 )
مادة سهلة مافيها أي صعوبة تتكلم عن الأشتقاق والتكامل والمتباينات وعن الدالة الزوجية والفردية ، طريقتي كنت آخذ كل فقرة وأعيد حلها بالغيب طبعاً أكون فاهمة الطريقة وماراح يجي في الأختبار مسائل طريقة حلها طويلة ومعقده ، الأغلب اللي تجي في الأختبار مسائل طريقة حلها مباشر ، واللي متردد ينزل هذي المادة أو لا نصيحة لايأجلها عشان دكتورها ، مثل ماقلت لكم مادة جداً سهلة وممتعة وماتحتاج مدرس خصوصي .. أسئلة الأختبار ماطلعت عن المحتوى








(محاسبة2)
مادة أسهل من محاسبة 1 ، تتكلم عن قيد الأقفال وقيد التسوية وعن المبيعات والمخزون آخر المدة وأول المدة ، فيها قوانين بسيطه اللي يحفظها يحل وهو مغمض ، المذاكرة من ملخص أبو دالين بالأضافة إلى أختبر نفسك وأسئلة الأترام اللي راحت لأخذ فكرة أكثر عن طريقة الأسئلة،الأسئلة ماتحفظها ولكن تجي نفس الطريقة








(الأقتصاد الكلي )
مادة تتكلم عن المشكلة الأقتصادية والنمو الأقتصادي والعرض الكلي والطلب الكلي والناتج القومي الأجمالي والسياسة النقدية والأقتصاد الدولي والتنمية الأقتصادية ....الخ ، أول 3 محاضرات مذاكرتها ممتعة بس بعدها، طريقة الأسئلة عليها مباشرة مافيها أي تعقيد وأفضل ملخص لها هو ملخص خجل








(تقنية معلومات1)
مادة أتعب وأنا أقول ممممممتعة ، تتكلم عن مكونات الحاسب الآلي المدخلات والمخرجات وأنواع الحواسيب والطابعات .....في الجزء النظري ، وتتكلم عن برنامج الوورد وبرنامج الأكس إل وكيفية التعامل مع هذي البرامج و ..... في الجزء التطبيقي، المذاكرة من ملخص الأخت دلــو








(العقيدة الأسلامية)
كلها مواضيع درسناها في الأبتدائية ،تتكلم عن تعريف العقيدة لغة وأصطلاحاً وخصائصها ومصادرها وعن الأيمان وأركانه الستة ، وفي الجزء الأخير من المنهج يتكلم عن العلمانية والماسونية ومذاهبهم ومعتقداتهم ، المذاكرة من ملخص ليمونة حامضة هو نفس المحتوى بس بطريقة مرتبة








(نظم المعلومات)
مادة كلامها كثييير ، تذاكر أول 3 محاضرات وترجع بعد يوم تراجعهم إلا أنت ناسيهم ، هي مادة من مستوى ثالث ، تتكلم عن ثورة المعلومات والمنظمات والعمليات التجارية ....، المذاكرة من ملخص تذكار بالأضافة إلى أختبارات الأترام اللي راحت عشان تعرفون طريقة الأختبار عليها ،نصيحتي اللي بياخذ هذي المادة يخلي مذاكرتها في آخر أسبوع عشان يمديكم تتذكرون وش ذاكرتوا فيها









وهذا رابط لأحد المواضيع نزلت فيه كل عفش مستوى ثاني..
http://www.ckfu.org/vb/t343812-7.html#post6819264







أضفت بالمرفقات جدول لمتابعة المقررات
أدري بعضكم يقول بدري مثل هذي المواضيع ، بس دام الأغلبية بعد الأختبارات تعود كل يوم يدخل المنتدى خلوا دخلتكم فيها فايدة ، أبدو جمعوا كل ماتجدونه في مجلدات خاصة للمستوى الثاني على سطح المكتب ،والله يوفق الجميع وفاااااالكم A+
وفي النهاية أحب أشكر كل من ساهم في إنجاز الملخصات وكل من أعطى في هذا المنتدى ولو بالقليل ، لكم دعواااااات صادقة في الغيب ، لنكن كالأسرة الواحدة يداً بيد إلى لحظة التخرج



كونوا بخير ..