مادة الاستماع والاستيعاب من أسهل مواد التخصص والدكتور أسئلته سهلة جدا
طريقة الامتحان يجيبون لك في القاعة لابتوب أو مسجل ستيريو ويشغلون سي دي بصوت الدكتور مدته تقريبا 45 دقيقة وورقة الإجابة مافيها أسئلة, فيها رقم السؤال وفراغ, السؤال راح يذكره الدكتور فلازم تكون متابع
وكل ما قال الدكتور سؤال انت تختار الإجابة
عادة أول شي الدكتور يقرا قطعة وانت تسجل ملاحظاتك على القطعة, يعني تدون أهم النقاط, وبعدين تجاوب على الأسئلة اعتمادا على الملاحظات اللي دونتها وعلى فهمك للقطعة, مثلا لو قال إن في عام 2003 ارتفعت نسبة الحوادث بنسبة 5% تكتبها في الملاحظات 03 acced وتحط سهم على فوق وبعدين 5%, في المحاضرات راح يشرح الدكتور كيفية كتابة الملاحظات how to take notes
بشكل عام المادة سهلة, وخصوصا إذا حليت الواجبات بنفسك, مثل أي مادة ثانية
التركيب اللغوي أيضا سهل, وتقدر تسميه قرامر 3 بعد اللغة إلإنجليزية العامة في المستوى الأول وبعد الإنجليزية كتابة في المستوى الثاني مثل ما قالت إختي ترانيم, وراح يجي بعده في المستوى الرابع مادة القواعد والمنظومة النحوية تقدر تسميها قرامر 4 وهي مادة فيها صعوبة وتحتاج تركيز
الإنشاء والتعبير1 في المستوى الثالث والإنشاء والتعبير2 في المستوى الرابع هي مواد اختباراتها سهلة جدا وتنافس مادتي الاستماع في السهولة, ولو أن المادة نفسها فيها صعوبة لكن طبيعة الاختبار (اختياري) يخلي المادة سهلة جدا
ولو كان الامتحان مقالي مثل الانتظام راح تكون الفائدة أكثر بكثير, بالنسبة لي درستها من قبل وحسيت بالفرق, باختصار المادة هذي مظلومة في الانتساب, المفروض نطور نفسنا في الكتابة - للي مهتم
في الاختبار راح يجيب الدكتور قطعة من المحتوى وفيها فراغات وانت تكمل, وراح يجيب أسئلة عن topic sentence وأشياء كذا.