غراام .. دمتي مبدعه شكراا لك ..

جعل عين ٍ ماتشوفك ، ماتشوف
...................... تنعمي .. والا تخاط جفونها

ياهنوفٍ ، ماتجاريها هنوف
....................... كل طرقا بالعذارى دونها

من يلوم القلب لو صابه عزوف
................ عن جمال الكون عاش بكونها

القمر من زينها صابه خسوف
.................. لو بوصّفها لكم .. تقرونها

وأن قريتوها تشوفون الوصوف
............. وخايف من أهل الحَسَد يرمونها

قال : وش فرق الحسا عن الهفوف
............. قلت : توصيفي . وشوف عيونها

خصّ أنا بالشعر سطحي ومعروف
................ واضح ٍ مثل البرَد .. بسنونها

قال كمل .. قلت له : ودك تشوف ؟
............ قال : تكفى .. قلت : ديور دونها

بين تصوير الملامح والحروف
................ مافضح ليلى سوى مجــنونها

ماني بـ خبل ٍ على الشعر مهروف
................ أهْلَها بكره .. يبـ ِ يعــرفونها

ماعلى شعر ٍ يوصفها حسوف
............... يكفي أني / حالفٍ ماخــــونها