طيب نبقى كلام مؤكد
هل فيه مكافاة ؟؟
و هل ممكن يجينا حافز ؟؟
قلت لصديقتي انو مافيه بس مو مقتنعة تبقى تتأكد أكثر
مكافأة في الموازي ما فيه مكافأة ، كلام ثقي فيه 10000000% ...
حافز بيجيكن ، إذا انطبقت عليك الشروط ، لان فيه طالبات خريجات ، ما يخذون حافز
ولا عندهم وظيفة ولا شيء ، وله سن معين ،، وللمعلومية لو فرضنا واخذتي حافز ،،
يسقطون اي مبلغ تتقاضينة ، كمثال ليس اكثر ،، اللي تحصل على ضمان اجتماعي
اهل حافز يسقطون عنها حق الضمان ويكملون لها حتى تأخذ 2000 ريال ،، يعني لو
معها 1500 من الضمان كمثال فقط ،، حافز يحسمون هذا المبلغ ،، ويعطونها فقط 500 ريال
وش حافز يا حظي ،، كل سبعة أيام ادخلي على بياناتك وعدلي ،، والله لو موظفة عسكرية
في المرور ابرك ..
و غير كذا انا حابة اعرف هل راح نتساوى مع الانتظام ؟؟
تتساوون !! ما ادري ما المقصود بتتساوون ؟ لكن للمعلومية طريقة دراستكن تختلف عنهم هم رسالة ، وانتي بحث تكميلي ... عدد ساعات المواد عندك اكثر ، لانه عدد
ساعات الرسالة عندهم اكثر من البحث عندك ..
أما في اوقات الدوام ، نعم ممكن تتساوون ، ولو المادة وحدة في القسمين ممكن
الدكتور يجمعكم ..
يعني في المحاضرات و الأعمال و إلا كيف ؟؟
حسب المواد لو كانت عند دكتور نفسه ممكن يجمعكم بعد ، هذا كله يرجع إلى الدكتور
والى الجامعة ، وعلى فكرة مافيه وقت معين ممكن يتقيدون فيه ،، يعني نظاما يكون دوامك
يوم الأحد الساعة سبعة مساء ، تقدرون تتفقون ويكون يوم خميس الساعة السادسة ..
يعني طلاب الماستر في هذا النقطة بالذات فيها مرونة أصلا الدكاترة انفسهم يفرحون لما تضغطون الجدول في يومين .. يبي يفتك .. واما التكاليف فمثل ما قلت لك نفس المادة تحكمها
و السؤال الأهم هل راح ينكتب في وثيقتنا إذا تخرجنا انو احنا موازي ؟؟
لا لا يكتب لا موازي ولا انتظام ،، هذا المعمول به في الجامعات عاد تيجي جامعة فيصل
بشيء مبتكر الله اعلم .. من الآن ما ادري بصفة خاصة في فيصل لكن في العرف والمعمول
به حتى الآن ما يكتب شيء ..
انا احس القرار مرة صعب
أنا ويا صديقاتي مو عارفين نقرر إلا لما نلقى اجوبة على اسئلتنا
و أنا احتمال كبير اني راح اوافق لأني مو متخيلة قعدة البيت شئ احسن من لا شئ
و اهلي شاورتهم قالوا خلاص وافقي و إحنا بنساعدك
( الله يعطيهم العافية ، ما يقصرون )
بس مادري خايفة قاعدة افكر لبعدين خايفة المصاريف تذبحني
( ما فيه مصاريف كله أربع مواد في الفصل الدراسي ، وأغلب الدراسة بحوث ، والنت ما خلى أحد )
الله يسهلها يارب و يفرجها