|
رد: خالد ياسين وقيادة المرأهـ للسيارة في السعوديّه
اقتباس:
المشاركة الأصلية كتبت بواسطة now or never
شكرا لك على النقل
هناك من يبحث عن هكذا مواضيع ليبث سموم افكاره الهدامة
ومنها الى انتقاد القيادة والعلماء و الدين
بأي حجة كانت
بارك الله فيكم جميعاً
|
الله يهدييك بس اي افكار هدامه انتو وش قاعدين تقولون من جدكم يعني حريمنا الي في البر وهم في الخلا يسوقون سياراتهم ويشوفون مصالحهم هذولا صارو ضد الوطن والدين الارمله الي ماعندها احد وترعى اطفال ايتام وساقت من شان طفل مرض عندها او ضروره اجبرتها صارت ضد الوطن والدين والا الي يقولي فيه سواق كيف اامن على اهلي او بيتي بواحد اجنبي غريب لاعرف دينه ولا اعرف اخلاقه باي منطق والا ترضون ان ذا الارمله تروح مع السائق البنقالي او الهندي بسياره وحده والحالهم وخلوه غير شرعيه بمعنى الكلمه وتقول لا لاتسوق لا والله تسوق ولا عليها من اطلق شنب دامها في سيارتها ولو صار من امور الدنيا شي خربت السياره مثلا او صدمت هالي تخوفون الناس منها عادي تقفل بيبان سيارتها وجوالها معها وبلعكس في شارع عام هذا رايح وهذا جاي محد يقدر يسوي شي وفيه شي اسمه 999 تدق عليه وانتهينا وبعدين الشباب فيهم الخير والبركه النخوه والشهامه مازالت موجوده عند الشاب السعودي المراءه المستوره والي حافظه نفسها ماراح احد يقدر يتعرضها اما الي تبي الشر بتلقاه لو عليها حصون محصنه بس الفكره غريبه على مجتمعنا من شان كذا قاعدين تخوفون الناس فيها ياخي حرام عليكم الي تسوونه حتى العلماء مافتو ان الدين يحرم ذا الشي لكن من باب سد الذرائع يعيني مافيه شي يحرمه ياخي قيادتها سلاح ذو حدين اذا استخدم بالخير فهو خير واذا استخدم بالشر فهو شر مثل ماتروح الوحده للتسوق لوحدها بدون محرم فان كان تسوقها للخير فهو خير اما ان كان تسوقها للشر وللغزل فخروجها حرام حتى ولو المحرم هو الي منزلها هذا رايي وزبدة الكلام عندي تسوق سيارتها ابرك لها من انها تروح مع سائق اجنبي وتختلي معه ( خلوه غير شرعيه) ابرك بالف مره ومره والي ييايد انها تروح مع الاجنبي هذا رايه وهو حر فيه وماقول الا الله يكفانا شر ذا الدنيا وبلاويها واكثر البلاوي بلاوي السواقين
|