إيه ي البوح دوني و دونك جدار ..
و الكلام يتلعثم في لساني .!
ذاب طعم الحكي و إنهدت أسوار ..
و المشاريه تآمر و إتعصاني ..
لو قلوب البشر صندوق الأسرار ..
ليه قلبي يخاف من الأماني .. !!
يا وحيد المحبه طيرنا طاااااار
راح يدوّر ل عشه عن مواني
هات لي من وفانا دمع و أعذار
الحزن ما يجود إلا ب كياني ..
هات لي من حنان الوقت تذكار ..
الزمن قاسي و طبعه أناني ..
خل للحلم بين إيديك معبار ..
الجفا مر , و إحساسي حداني
انت ترحل بعيد , و قلبي يغار
و كل منّا من الثاني يعاني ..
بين وصلك و بيني صار مشوار
ليت وقتي على دربه مشاني
ل اللقا حط دمع و شمع و أزهار
و إعزم الليل كله في مكاني
و إترك البوح يعزف فوق الأوتار
و شف عيوني توصّف لك حناني ..