|
رد: *!؛؛ إعــ تراآاآافـــــ ,, شخصيــــهــ ,, ـات ؛؛!*
##### إعترافي الخامس :............>>ما شاء الله وصلت للخامس (الظاهر إنهم أول ما مسكوني كبيت العشاء)
قبل خمسة أيام كنت رايحة للأحوال أطلع لي بطاقة
حاكم أختكم بلغت السن القانوني
الموهيم بعد ما خلصت دقيت على أبوي يجي ياخذني
ولما جاء طلع جدي اللي أبو والدي معه
وركبنا بالسيارة وكل ما وقف أبوي بمحل
أقعد أحاول اسولف مع جدي أبغى أعرفه
دايما يمشكل أبوي وما يساعده
ودايما يقسى عليه عكس أعمامي
فكل ما فتحت معه سالفة يسكرها
أنا متحمسة وهو مو مهتم
استسلمت ورجعت للبلاك
طبعا كان في السيارة
باب غرفة جدي يبي يوديه
والباب كان وراي فجأة لف أبوي
وخبطت أذني بحرف الباب ما تحملت
قعدت أصيح وأبكي وقف أبوي السيارة
بنص الشارع وفتح الباب و نزل الشيلة
يبغى يشوف أذني فيها دم أو انجرحت
بس هذا شيء عادي أي أب يسويه
اللي استغربته إن جدي نزل وفتح الباب
الثاني وركب بالمرتبة يبي يطمئن علي
في ذيك اللحظة عرفت إن جدي يعزني
رعبته علي لدرجة قعد يلعن في الباب
واللي جاب الباب صراحة على رغم مابي
من وجع إلا إني فرحت ما قدرت أصدق
ومن هذا كلــــــــــــــــــــــه
إعترافي هو إني ظنيت ظن سوء بجدي
فكرت إنو يكرهني ومن هالكلام
لكن طلع يعزني ويعز أبوي كمان
>>أدري طولت عليكم كنها
قصيدة إمرؤ القيس لكن إعذروني
وانتظروا المزيد من الإعترافات
التي تسبب الفشيلة
|