المشاركة الأصلية كتبت بواسطة شقاوتي غير

ماشاء الله تبارك الله ماتوقعت انو معنا ناس بهالطموح والـ مثابرة ..
بالتوفيق للجميع يارب ..

اثار انتباهي اجتهاد ومثابرة اخينا تركي ماشاء الله يزيدة يارب يستاهل كل خير واختنا اللي حافظة القران اكبر انجاز يقدر الانسان يسوية بصراحة الله يتممـ عليكي ويحفظك ..

بالنسبة لي .. امنياتي وطموحي كبير كبير لدرجة انو الكل يقول انتي طموحك اكبر منك
بالبداية انا زوجة وامـ لطفلة الله يخليها لي .. عندي مشكلة التنظيم وعدم الصبر ع الشي اكثر شي اكرهو بنفسي ..

بدايتي كانت بـ ثالث ثانوي الترم الاول بـ اول اختبار لي توفى الوالد الله يرحمة وعقبة سحبت ع الاختبارات ويوم اختبرت ماجت النسبة المطلوبة الحمدالله ع كل حال حاولت الترم الثاني اعوض ولا ينخسف معدلي كثير والحمدالله قفلت ع 82 بالمية .. طبعا اختباراتنا كانت بدون تحصييلي وقدرات كانت من الرئاسة ..
عرفت اني مابدخل للقسم الي ابية واطمح لـة كان نفسي انقليزي ترجمة .. او ادارة اعمال ..
هوسي اللغة الانجليزية .. طبعا حبي جا من مشاهدة الافلام مو بسبب الدراسة لان ماعندنا تاسيس لهذي المادة بشكل صحيح ابدا .. طبعا انا اللغة تعتبر عندي مو توب بسبب انو انا افهم اللغة واتكلم لـكن الاساس ضعيف جدا .. فاشلة جدا ع الورقة لدرجة الاستاذات كانو ينصدمون مني ع الحفة
دخلت الجامعة بـ الواسطة بعد وصار انو دخلوني قسم دعوة .. درست فية تقريبا سنة وشوي وتركتها ماقدرت امشي فيها لـ كرهي وعدم تقبلي للقسم .. جلست بالبيت وع طول سجلت بـدورة لغة انجليزية ماكملت اسبوع الا انخطبت وماربي تمم علي اكملها نقلت مدينة ثانية ماقدرت اقعد عاطلة سجلت بـ التقنية تحصيل حاصل صراحة دخلت قسم تصميم ازياء حبيت القسم تغير جو وكذا وصلت المستوى 3 وصار عندي ظروف وتركتها لانو رفضو يعطوني بريك فـ تركتها .. وللمرة الثالثة ماقدرت اقعد كذا ابي شهادة البكالريوس وبشي احبة حصل انو سجلت بـ الجامعة عن بعد وللة الحمد بقسم احبة وكلن يحطمني الان انو مابتكملين بس ان شاء الله بخيب ظنهم .. خلصت المستوى االاول بمستوى اعتبرة متوسط اطمح للامتياز ولا غيرة باذن الله .. طموحي وهوسي البزنس وافكار تجارية لدرجة تعور راسي الان عندي مشروعين بـ يمكن من ثلاث سنين او اكثر وهي براسي تفكيري كبير جدا بس حبة حبة وان شاء الله ربي يكرمني احقق لو نصها راضية