2009- 12- 25
|
#58
|
|
أكـاديـمـي
|
رد: طالبات كلية الآداب ... وش ينقصكم بالضببببط ..
في اول مشاركه لي من نوعها ... انا اقولكم وش ينقصنا بالكليه ....
وقبل كل هذا شكراً لك يا سوبر على هاذي الجنتليه اللي فيك .. 
وطبعاً حطيت الشكر اولاً لأني بسدح اللي بقلبي ومابخلص عشان كذا قلنا مطولين ياعم
انا اقولك وسجل عندك
ينقصنا الادب ,, ينقصنا الاحترام .. ينقصنا المعامله مثل البشر ( ترى ابشرك حتى الحيوانات صار لها حقوق )
ينقصنا المصداقيه .. وشو له الهانم ذي وذي و وغيرها تكلمنا من طرف خشمها تقول نطلبها من حلال ابوها
شي والا نطلبها سلف هاه ؟؟؟
وشو له كل ما كلمنا وحده فيهم تقول مادري مادري .. اجل ليه وظفوك هنا ودافعين لك راتب ؟؟ هاه
وشو له اذا جات الوحده تسأل يمرمطونها تقول كليه ابوها هاه؟؟
ليه تكلمينا بدون نفس طالبينك سلف ..؟ ليه تحقدين ماكلين حلال ابوك ... ؟؟
وين التواضع اللي تكلم عنه رسولنا .. وين الادب ... وين اظعف الايمان ؟؟ وين المصداقيه ؟؟
ليش كل ما تهاوشتي مع بيتكم تجين تحطين الحره فينا هاه ...؟
صح يا عالم والا انا غلطانه ... ؟
مو هاذي اهم الاشياء اللي تنقصنا ونحتاجها ...
ماهمنا الكفتيريا .. راس مالها توست من البيت و انتهى الموضوع << ايه نعم ولا تقولون الدعوه مصاريه
لا يا حبيبتي انتي وياها .. هاذي الاشياء اهم من الكفتيريا والكلام الفاضي ..
نبغى الله يسلمك مقرارات تنزل مثل العالم والناس .. مو تنزل الملازم قبل الامتحان بيوم
هاذي وين اصرفها ..؟؟؟؟
نبغى اجتماع رئيسه القسم مع الطالبات بالشهر مره ,, تطلع الطالبه اللي بقلبها من مراقبات الشبكه
النفسيه ذولا .. الا من رحم ربي
نبي شكاوي الطالبات تنأخذ بجديه لأن هذا مستقبل وتعب وشقا .. موب لعبه و انتو لما تراجعون اوراقنا
هذا من شغلكم .. اجل رواتب ع الفاضي .. اذا ماتبين تشتغلين اقعدي في البيت ..
ابشركم ترى ارتفعت نسب البطاله:o3: <<< قسم !!
الى متى حركات الصعايده ذي .. وكل من ياخذ بثاره !! وين عايشين
يعني لاحد يقول ليش يسمونا دول عالم ثالث ... اجل هاذي كليه !!!
والله ان نص اللي يسوونه مو من اظمه الكليه .. ولكن بس عناد في الطاليه يطلعون اشياء من مخهم
المفروض نعرف اللي لنا واللي علينا بالكليه حالنا حال نظام العمل والعمال .. تعرف اللي لك واللي عليك
يا اخي ابسط حقوقنا ...
اقول تعرف السجن المركزي اللي بعد المحطه ؟؟ اقسم بالله ان انظمته اطلق من ذي الكليه
وبعدين الله يسلمك ناقصنا ادب من الدكاتره انفسهم .. والا دكتور طول وعرض وفارد عضلاته يازعط دكتور
و يسوي حركات عرابجه يشرب الشاي و يطلع صوت ( ششششششششششش :s3: )
:o3: <<< قسم
بالله هذا منظر دكتور والا ميكانيكي في الخظريه والا الصناعيه هاه ؟؟
ينقصنا سيدي صاحب السمو الملك عبد الله بن عبد العزيز يجي ويظرب بيد من
حديد عشان يوقف هاذي المهزله
شكراً يا صقيقي ,, على اعطائنا هاذي المساحه << ماخلت شئ
ايييييييه ماخليت شئ ولو فيه شئ برجع وبكتبه عادي .. والا حتى المنتديات ممنوعه !!
والبنات اللي بعدي اي وحده توافقني الرأي تكتب وشكراً
|
|
|
|
|
|