نزول عن رغبة الجماهير راح انزل الكلييب الحين بالقايلة
المهم زي ما تعرفون اني سألت عن الايكوم الهوائي اللي حطيت صوره وسحبتوا علي
اللي حصل قبل اسبوع وصاني واحد من الشباب على جهازين وانا تحمست بعد وقلت ابي واحد للكشتات عشان نتواصل من الشباب اذا طلعاتنا نتمشى بالليل وما نضيع بعض كالعاده
نطلع نتمشى 5 سيارات ونرجع 3 والباقين ضاعوا وانا لي نصيب الاسد من كثر ما ضعت
.
المهم دقيت على واحد بالقصيم وواحد بالرياض
راعي القصيم قال اعرف واحد عنده جهازين بكلمه هاليومين وبرد عليك خبر ,قلت اوكيه بس لا تشتري الا ونت معلمني يعني بيننا كول قال تمام .
راعي الرياض قال ابشر انا بروح لمحلات الاجهزة وبكلمك من هناك قلت له على خير .
اتصل فيني خويي اللي موصيني على جهازين وقال يا بو يارا كنسل الطلب ما عاد ابي واعتذر
قلت ابد ما صار الا الخير .
راح راعي الرياض للمحلات واتصل بي يوم ونسقت انا وياه وشرى لي جهاز وجابه الله يوفقه .
ثاني يوم دق علي راعي القصيم وقال الاجهزة جايتك بالطريق قلت اي اجهزة قال اللي وصيتني
قلت انت شريت او تستهبل قال لاو الله شريت وارسلتها
وحول لي 1200 قلت
ابشر انحرجت منه لانه تعنى مشوار طويل يبي يفزع وطار بالعجة يبي يخدمني .وما قصر صراحة
بس انه نسى موضوع اني قلت له لا تشتري الا وانت معلمني ومكلمني قبل لا تروح تشوفها يمكن يكون جد شي جديد
اللي حصل انه صار عندي 3 اجهزة قدرت اصرف واحد البارح وباقي اثنين
وكرهت الاجهزة كلها
شكلي ببسط بها بعد صلاة الجمعة عشان افتك
هذا هو فلمي بإختصار واعتذر عن التأخير
شرايكم
