دخيلك لا تشجعني اسولف واكسر الكتمااان
تسولف لي عن الضيقه وأنا عنوان للحرمان
دخيلك لا دخيل الجرح لا تكشـف معاناتي
دخيلك لا تشجعني أسولف وأكسر الكتمان
تعبت من السكوت اللي تعود يسكن بذاتي
عليم الله مافيني شبر يضحك فرح وأشجان
وأنا لو جيت ابضحك لك أجيك أضحك بدمعاتي
حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتي
أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتي
عجزت أكذب على نفسي بفرحه ما بها ألوان
وحزني ما عجز عنـي بـدا يرسـم نهاياتي
طريقي صعب وجروحي كثير وداخلي ضميان
أبي لو يوم واحـد أحـاول أجمـع شتاتي
أنا قصه تبعثـرت وتطايـرت بزمـن خـوان
تعلمت أخسر البسمه وأداري عضـة شفاتي
أبكتب لك وبالخط العريض وريشـه الفنان
أنا الخسران توقيعي وانا الخسران ببصماتي
أكمل لك عن الضيقه اكمل لك عـن الأحزان
تأكد لو بكمل لـك تصيـح وتطلـب سكاتي