معاكم وحدة خبرة خمس سنين في الكلية

بالنسبة للكلية مابقولك كلها سلبيات أو كلها إيجابيات مافيه شي كامل بس نحاول نبحث عن الإيجابيات اللي فيها عشان نتقبلها

وانا اشوفها في تحسن عن أول مادخلتها والدكاترة بشكل عام حقانيين سواء اللي في قسمي او اللي درسوني من الأقسام الثانية

وغير كذا المبنى تعدل والأنشطة تطورت وحتى من ناحية مشاكل التسجيل في قسمي صاروا متعاونين أكثر من قبل
وزي ماقالت اختي عذاري لو انتي متفوقة بتكونين متفوقة بأي مكان تكونين فيه بإذن الله

باختصار خليك متفاءلة ولاتسمعين كلام اللي يحطمونك لإن فيه ناس ياليتهم يتكلمون عن تجربة للأسف تلاقينهم بس يبون يحطمون غيرهم باي طريقة

واللي توهم اول سنة في الكلية أقول لهم اللي انتوا فيه حاليا ممكن انه يعتبر طبيعي بس مع الوقت ببتعودون على الكلية وبتشوفون فيها أشياء أكثر

وإذا بنتكلم عن الجامعات الثانية بعضها أكيد بيكون مستواها افضل من الكلية
بس دام انا ماقدامنا الا هالكلية نحاول نكون ايجابيين عشان مانتحطم وتتاثر دراستنا ومستقبلنا


وبالتوفيق للجميع