صبايا..
إذا ماعليكم أمر..
أبيكم تفيدوني أكثر عن تخصص الرياضيات ..أنا بصراح أعشق مادة الرياضيات رغم أن درجاتي فيها ماهي بزينه ولا هي بشينة يعني تقدرون تقولون نص ونص..كثير خوفوني منها قالوا انها صعبة وأني بتعقد منها..فأتمنى من دخلت هالتخصص تخبرني عن تجربتها فيه..وأنا الصراحه مع كلام الأخت عذاري..الله يسعدها .. وإذا عندكم معلومات عن المواد العلميه الثانية أتمنى ماتبخلون علي بمعلوماتكم..نسبتي التراكمية 77.44 والتحصيلي 72 والقدرات 75 تتوقعون تقبل هالنسبة ..أنا اخترت كلية التصاميم أو العلوم الإدارية أو الرياضيات..الله يذكرها بالخير معلمتي "أمل" معلمة رياضيات صحيح كانت عصبية بس حسستني أنها لما تصارخ وتهاوشنا "لمصلحتنا."..حسستني أن الرياضيات مادة لعب ماحسستني أنها مادة صعبة ولازم أذاكرها..القوانين أول بأول تسمعلنا وإذا غلطتي بالإجابة ماتنسى غلطتك لين ماتحس أنك ماراح تغلطين بهالسؤال مره ثانية..الله يسعدها وين ماكانت والله لو أدري أن عندكم معلمات مثلها كان أخترت تخصصي رياضيات وأنا مغمضة....ماأطول عليكم بس أتمنى منكم رد وافي..
تقبلوا تحياتي