ملتقى طلاب وطالبات جامعة الملك فيصل,جامعة الدمام - عرض مشاركة واحدة

هـمـس التميمي · #1 2012- 6- 30

قرّب شهر رمضان المبارك
كل عام وانتو بخير مقدما
والله يجعله شهر المغفره والتوبه والرحمه لنا يارب

بالتقويم الزمني للدراسه
1433/9/16 هـ
بداية تسجيل المقررات للطلبة القدامى للفصل الدراسي الأول من العام الجامعي 1434/1433 هـ وبدء تسديد الرسوم الدراسية المستحقة من خلال قنوات نظام سداد

يعني بالضبط باقي شهر و 6 ايام
يعني 36 يوم

وقت طويل
عارفه.. اللي يبغى يسافر واللي يتدرب بالصيف واللي واللي ..

بس به طريقه تسوونها الحين
تريّحكم بدايه الترم ان شاء الله

الافسام موجوده الحين بالارشيف

ادخلو وحملو الملخصات والواجبات وروابط المحاضرات المسجله والاختبارات
وسوو مجلد خاص لكل ماده ع الجهاز

هالموضوع هذا كله كم بياخذ منكم؟؟
وشو النتيجه كيف ع الترم الجديد .. رااااحه ياذن الله

ولا تنسوون الوقت يمر من غير فايده محاسبين عليه
استغلوو الوقت لصالحكم

ونصيحه .. رتبو ونظمو وقتكم
انسو سالفه قبل الاختبارات بيومين تذاكرون

مهما كان الظروف.. اتعبو شوي هذا مستقبلكم ويستاهل

سوو جدول للمحاضرات المسجله والواجبات والمباشره واسئله النقاش
ولا تراكموووون عليكم هالمهام

اول ما تنزل المحاضرات والواجبات خلصو منها
واكتبو بالجدول انكم خلصتوها

مشاهده و تحميل .. اضمن لكم

وسوو جدول للمذاكره والتخطيط و الحفظ

صدقوني بالترتيب .. دراستكم بتكون سلسه
وغير كذا ما تشيلون هم كثير

بالاول والاخير

لاتنسون ادعيه المذاكره
اول اقلها (يارب سهل امر دراستي)

ملاحظه:
اختبارات العام خذوها مراجعه لكم.. يعني لا تعتمدون عليها اعتماد كلي
القصد منها معرفه اسلوب دكتور الماده

لا تاخذون راي الغير بمدى صعوبة الماده

لانه به فروقات فرديه
والعقول تختلف من شخص لشخص

خلو طموحكم عالي
لا تاخذونها مجرد نجاح وبس
وش يمنع تجيبون معدلات حلوه؟

عندكم عقول الحمدلله
وعندكم وقت (مهما كانت انشغالاتكم .. به وقت فراغ)
اعتمدو ع هالاشياء بعد الاعتماد ع الله

و فالكم النجاح اللي يبرد قلوبكم

إذا أعجبك الموضوع قيمني وإذا لم يعجبك انتقدني لكن بأسلوب يعبر عن ثقافتك!
كلمة شكر من الأعضاء لا يخسرون بسببها شيئا لكنها تبعث في نفسي حب العطاء