اثـر الرياجيـل تفـرق بالمـدى والعـزوم
والطيـب كايـد وحـزّات المواقـف محـكّ
احد ٍ على اطرف سبب ماعاد يقـدر يقـوم
واحد ٍ لو تسكّـر الدنيـا بوجهـه ضحـك
واحـد ٍ يعشمّـك وتظنـه عـزوم ٍ جـزوم
لاجيـت سـرّاك فـي حكيـه ولاسـرّحـك
شيخ المراكي.. جميل الهرج .. ذيب العلوم
ان ماخسـرت بجلوسـك معـه ماربّـحـك
طلبت لي اثنين في مكتـب بنفـس اللـزوم
ولقيـت مايزعلـك منهـم ..ومايفـرحـك
واحد يخلي لزومك صعب ..فـوق النجـوم
وواحـد قبـل لاتبـدّي حاجتـك ينطـحـك
ابشر .. وحاضر .. ويوم تجيني اعز يـوم
وش لازمك ؟؟ يارفيقي طال عمرك .. تحكّ
تفداه خبطة صدور .. الحايصيـن الرخـوم
ماهوب ناهـض معـك .. لكـنّ لايطرحـك
والا انت لولا انك ضعيّف .. ومن روس قوم
والله لااحرّج على فعلـك معـي وافضحـك
ترى الكراسـي لـو تطـوّل بهـا ماتـدوم
لاجا مكانك رجـل .. خـل البشـر تمدحـك
خلك بشوش الوجه للناس وانـت امخـدوم
بـدال ماياصلـك منهـم حكـي يجـرحـك
اثـر الرياجيـل تفـرق بالمـدى والعـزوم
والطيـب كايـد وحـزّات المواقـف محـكّ
احد ٍ على اطرف سبب ماعاد يقـدر يقـوم
واحد ٍ لو تسكّـر الدنيـا بوجهـه ضحـك
مما راق لي