ولدي علي قلبي من الظلم محروق
من ظالمٍ دمَر حياتي وقهرني
ياما رفعته فوق راسي على ذوق
وهو سَل سيف الغدر وبيده نحرني
وياما سقيته صافي الحب والشوق
وهوسقاني السم كاس وغدرني
له سقت روحي سوق مطفوق مطفوق
ومابين ليلة صد عني ونكرني
لأجله سهرت اليل ماأشتكي عوق
وهو الذي من زود ظلمه كفرني
ماذقت عمري شربة الخمر والبوق
يستر على الخمار وانا فضحني
ظلمك ذبحني والصدر صار مخنوق
منك مرض ولدي وغدرك سدحني
ماجاني السكر ولاصرت محروق
إلا من اللي حش فيني وجرحني
عرضي بفمه مثل علك باطوق
هو يحسب ان اللي خلقني تركني
واللي أكل مالي ويقول مسروق
ياحيف يوم الاخ جار وظلمني
أدعي عليك الله في ليل وشروق
اللي على عيالي فجعني وحرمني
أدعي عليك اللي سمع صوت فاروق
أدعي عليك اللي بسجودي سمعني
حسبي عليك الله ياظالمي فوق
في وسط جوف الليل دعيته ونصرني
ولدي علي قلبي من الظلم محروق
من ظالمٍ دمَر حياتي وقهرني
ياما رفعته فوق راسي على ذوق
وهو سَل سيف الغدر وبيده نحرني