المشاركة الأصلية كتبت بواسطة Nesreen

اول شي احب اقولك شي ..

انتي اذا تبين تشترين فستان عادي رح تدفين له سعر..واذا تبين تشترين فستان حلو رح تدفعين سعر ثاني ..و اذا تبين تشترين الفستان اللي ما في احد عنده نفسه اكيد رح تدفعين اغلى سعر..
و الحياة كذا بعد اذا تبين شي لازم تدفعين لها ..يعني اذا تبين تصيرين دكتورة بس دكتورة حي الله ماتعرف شي تقدرين واذا تبين تصيرين دكتورة رح تخدم الناس وتفيدهم باللي تعلمته رح تدفعين سعر ثاني...

اظن ان الفكرة وصلت لك صح ... ما اقولك ان الثمن رح يكون غالي لأني ما اظن اني خسرت شي في هذا السنة ..انتي مارح تضحين بحياتك مثل ما يقولون لك ..انتي في الحقيقة رح تضعين لكل شي حدود..يعني اذا تبين تكلمين ربعك في الجوال+تشيكين على الفيس بوك...الخ هذي الأشياء رح تسوينها ولكن مو بنفس المقدار اللي كنتي تسوينه قبل..

كل شي متعلق بتنظيم الوقت ..يعني في بنات يضيعون ويلعبون طول السنة و يفكرون انهم اذا فتحوا اكتاب يوم الأختبار رح يعدون وهذا اكبر همهم انهم يعدون ..ليكن شعارك التفوق دائما ..يعني انتي تذاكرين من قبل مو تفكرين انك في يوم الاختبار رح تتصفحين الكتاب..انت تذاكرينه من قبل حتى ما تروحين الأختبار وانت ماخلصتي مذاكرة لأن الجزئية في اغلب الأوقات تكون كبيرة جدا..

بالنسبة للأنقطاع عن العالم ..ههه هذا رح يصير شوية مو لأن الوقت ما يكفي لأنك الوقت الوحيد اللي تفضين فيه رح يكون مخك مشغول ويصير انتي اصلا مالك خلق..بس طبعا في طلاعات بس مو كل وقت..

بالتوفيق واقولكم مرة ثانية لا تدخلون الطب لأنه طب ..ادخلوه لأنكم تحبونه ..مع ان احنا كنا السنة الماضية بسنتا الأولى الا ان كثير من البنات نجحو على الحافة و في منهم حول لكليات ثانية لأنهم كانوا داخلينه لمجرد انه طب..