بطريق خريص .. كنت أسوق بالوالد الغالي ..
الدنيا زحمة .. والسيارات وراء بعض ..
مالكم بالطويلة ..
اللي وراي او اللي كان بعده ..
جاي بسرعه يضرب بوري ويكبس بالنور ..
الزبدة أزعجني وانا عندت ولا فتحت له الطريق ..
والا الوالد يسئل وشفيه ..
رديت : ( أزعجني هاللي وراي إلا أفتحله الطريق .. ما يشوف الزحمه .. ومانيب مخليه يعدي) .. !!
سكت الوالد كم ثانية .. وقال :
- زوجته مكلمته .. ولده طايح ومشقوق راسه ورايح يلحقه .. أمه داقه عليه وقالتله ألحقنا فيه حرامي بالبيت .. !!
و أنا أبووك أوجد عذر لكل أدمي و إنسان .. يمكن ما يكون بوضعه الطبيعي .. ؟!
أنصدمت بالفعل ممكن مايكون بوضعه الطبيعي وعنده ألف شي وشي مخليه مستعجل كذا ..
فتحت الخط والا الرجال مربوش وبجنبه حرمه حامل واضح أنها بحالة ولادة وطلق ..
بالفعل أستحقرت تصرفي بالبداية .. وشكرت ربي بأن رزقني أب حكيم ..
ومن بعدها و أنا أوجد العذر لكل إنسان قبل أن يذكره ..