|
كل عام وقلبك الجاحد بخير .. }-●
مدخل
إنتي أجزل ما خُلق بين الأنام
.......... إي نعم أجزلهم بـ زف الجروح
كنت أحسب للثواني من الغرام
........... وصرت أجاذب للنفس عيّا يروح
إشنقي شوقي على شفاة الكلام
........... وإذبحي قلبي ليا قرر يبوح
عن المقفي عدلت المركب إللي ماعليه شراع
ولا حسبت في نقصه ولا فكرت في زوده
كل عام
كل عام وقلبك الجاحد بخير
.......... وكل عام وفالنا طول الهجر
لو يمر العام دونك وش يصير
............ منته أول ياحبيبي من غدر
في زمنا اللي على طبعك كثير
........... الخيانه جرمها زاد وكثر
يابصير ٍ ما يعدونك بصير
........... تمشي أعمى حتى لو تملك بصر
كيف ترسل لي أحبك ياخطير ..!
.......... وقبلي مرسلها على خمسة عشر .؟
عايش ٍ وقتك بدون أيّه ضمير
.......... متعب ركابك ورى طعن الظهر
إمتهنت الكذب وأصبح لك عشير
......... ما دخل قلبك ولا ذرة طهر
حية ٍ رقطاء وملمسها حرير
......... تفترس كل من تواجه و بحذر ..!
إن نسبتك للأنوثه مايصير
.......... صعب تصنيفك بعد ضمن البشر
جاك مرسولي على هيئة نذير
.......... تهنئه مدفونة ٍ وسط الشعر
مع ورود ٍ تفتقد روح العبير
......... ماقدر وردي يفوح لك بعطر
حتى لو خاطرك من بعدي كسير
.......... يستحق الكسر أول من كسر
الوفا غرس النخل والحب بير
............. والصراحه تعتبر طلع الثمر
والكذب لو يختفي حبله قصير
............. والهوى الغدار ماحوله عذر
أختصرها لك وأجيب من الأخير .؟
......... قلبي من يمك ترى أصبح حجر
كل عام انا بدونك بالف خير
......... أبعدي قربك ترى ضيقة صدر
مخرج
من تجاهلني بـ ساعه أجهله بحدود عام............
هكذا فهد العباري والنفوس بـجودها
للشاعر العذب/ فهد العبــــاري
|