:
يا من طلب الشور اخذ ردي من الراس للراس ... وردي حد سيف مايجي طحين وعجينه
ارسلت لعلوم الحيا قبل امس عشرين عساس ... واللي تبينه عندي وحنا والله خابرينه
يا بنكي يا بنك الغناه مانت ببنك الافلاس ... تصرف لي المعاني من صراف وإلا خزينه
اشوف الجو ماصفى والفكر احيان منحاس ... لكن فكر فالقدر والمقبل زينه وشينه
ابني البيت بعمـد والعمـد ملزومن بساس ... و الاساس ما يبنى بسراب ولبنه وطينه
اللي مضى وانقضى لا يدري عنه ساير الناس ... واكثر الخلق عن موضوعك ماهم بفاهمينه
فرق بين الحديده وفرق بين جوهـر الالماس ... الله يعينـك وهو بعد جعـل ربي يعينه
ما كل من يعتزي فارس يركب ظهور الافراس ... ترى الاصيلة تعرف السرج وتعرف راكبينه
هذاك ماهو منا لافكر ولا شعور حساس ... وش نبي باللي ما يحتمي ولا يندا جبينه
الجرو ولد كليب يا من عين بنت جساس ... غرقو الاثنين مدري نجو في هاك السفينه
ماني مجبور اقول إلك ترى ماهوب بمقياس ... لكن الثوب ليا طال يمكن انك تخبنينه
واختامها الموضوع مشربك ومعقد وحساس ... يازين حل الموضوع في وقته وإلا حينه
/
/
ـــــــــــــ