ملتقى طلاب وطالبات جامعة الملك فيصل,جامعة الدمام - عرض مشاركة واحدة

انسه عظيمه ♥ · 2012- 7- 7

اقتباس:

المشاركة الأصلية كتبت بواسطة English Literature

لا احد يستطع ان ينكر ان رهبة مقابلة الجمهور تأتي قبل رهبة الاماكن الضيقة ورهبة الظلام والاماكن المرتفعة ..وفق دراسات اعدت لهذا طبعا ....الموهم ..انا كانت اول محاولة لي في مقابلة الميكرفون وانا في رابع ابتدئي احد المدرسين لزم الا اطلع اذاعة...انا حركي وملقوف واحب المقالب في الحصه وفي الفصل فظن اني املك القدرة على ان قابل الجمهور.(يا هملالي ). ما تصدقون اني لم انم بل عشت ازمة وحالة طوارئ في البيت واخذت ابحث عن مشاركة لي تبيض وجهي قدم نفسي وربع وقبيلتي واهل الحي ..!! فاشر علي اخي ان اقرا حديث وفعلا بحثت عن حديث واخذت اقصر حديث سطر واحد ..نعم ..سطر ..واذا اخذنا منه عن فلان رضي الله عنه عن الرسول عليه الصلاة والسلام طلعنا بجملة !! الموهم جيت اجرب نفسي قدامهم فاصبت بالغصة وبغيت اختنق وجاني دوار البحر وهم يموتون من الضحك وزادا الطين بله ..المهم جاء الصبح وانا كأني رايح للحرب او لهوشه او مصارعة الثيران دخلت المدرسة وانا كن فوق ظهري اثقل حمل .نادوا بالمشاركين في الاذاعة .كانه القصاص ..اقسم اني راحت مدري انا امشي او ازحف المهم وصلت ..وانا منزل راسي ما ابي اشوف احد ..واخرج الورقة ابو سطر ..وعينكم ما تشوف الا النور ..انتفضت كانه ماسكني فيش مكيف 220 وقريت السطر بسرعة الضوء كل اللي سمعوه عنننننن ....

وبعدها لازمتني ازمة شديدة في مقابلة الجمهور ..ماتشفايت الا بالــكي

هههههههههههههههه
الله يسعدك زي ماخليتني انفقع من الضحك .جلست اضحك بصوت عالي دخلت علي امي تقولي منتي صاحيه تضحكين بروحك
والله انا لما كنت في الابتدائي كنت احب الاذاعه واتحمس خاصه انا وصديقاتي كنا ماسكين الاذاعه وكنت جريئه وامثل في المسرحيات وانشد والوضع عادي وكنت مشهوره في الابتدائي هههع ..بس لما دخلت المتوسط انقلب وضعي مدري وشفيني صرت استحي بصراحه لانه كانو البنات في الاذاعه معقدات يتخبون ورى الجدار ويلقون الاذاعه بدون مانشوفهم وصرت زيهم معقده اتخبى ورى الجدار واتكلم اشكالنا كانت تضحك ..ولما دخلت الثانوي صرت جريئه شوي طلعت مرتين بألاذاعه بس الحمدالله ماصار حاله طوارىء

وتسلم موضوعك مره حلوو وسوري اذا طولت بردي