2012- 7- 8
|
#9
|
|
مشرفة عامة سابقاً
|
رد: ودي انصحكم نصيحه لوجه الله
السلآم عليكم ورحمة آلله ,
نصيحتس يَ ختي وصلت . . وبعد أذنتس بأغلق الموضوع  
وش بنستفيد من هالموضوع غير [ التحطيم و التشاؤم ] ؟!
للبنات الي تو مقبولات :
كليتنا فيها مثل أي كليه بالعالم . . بتلقين العدل والظلم والزين والشين
انا ادرس بالدمام . . وعندي خوات بـ جده والكويت وقطر وكندا . . اتزوجوا وكملو دراستهم هناك
كل خواتي قد آنظلموا قد رسبوا بماده بمادتين . . واللحين ماشا الله بعضهم تخرج والباقي على وشك
ومطلوبين وظيفيا !!
.
الحياه الجامعيه مو شهاده وبس !!
بتزيد خبرتس بالحياه , بتشوفين اشكال غريبه عجيبه بتنقرصين مره ومرتين ليما تتعلمين بمدرسه الحياه !!
لكل وحده انقبلت . . مبرووووك :)
ولا حد يتوقع بشهاده الجامعه بسس !! بيوصل الي يبي
آشتغلي على نفستس , طلعي مهاراتس , أثبتي وجودس , خلي الكل يقول تعالي أبيس عندنا
[ أعرف شخصيا ] خريجه متخرجه بمعدل جيد , كذا جهه رسميه طلبتها
ليش ؟ لأنها تجيد العربي والانجليزي وعندها مهارات القاء وإخراج وتصميم وتصوير !!
من وين طلعت المهارات ؟ بالكليه . . !
أبتعدوا عن التفكير بـ سلبيه . . أثبتوا وجودكم بأبسط شي ممكن تثمرون فيه
حتى لو بعمل تطوعي . . لأن الاعمال التطوعيه هي بدايه اي ثقه اداريه لـ منصب وظيفي
.
.
أعتذر عن الإطاله . . وأعتذر عن الإغلآق ! 
|
|
|
|
|
|