السلام عليكم ورحمة الله وبركاته ..

مسّاكم الله بالخير


على العادة .. كل كم يوم أدخل أشوف السجل الأكاديمي هم نزلوه أو لا

طبعاً الموضوع يهمن عشان السالفة القديمة اللي صارت لي مع الجامعة ( اللي ما يعرفه ينشد )

المهم .. دخلت اليوم وأثاري نتيجة هذا الفصل طايرة .. وهو الفصل الثالث لي

ومير أروح لنتيجة الاختبار وأحصل المواد حقت نفس الفصل .. لكن ناقصة مادة ( وهي أزين درجة لي هالترم )


الصحيح نظام يجيب الهبال


مدري عندكم خبر عن الموضوع وإلا طرف سالفة

هم شطبوا النتائج كلهن تضامناً مع الربيع العربي .. وإلا وش قصة هالجامعة الحبيبة


وبعدين وش السوات ؟؟؟ أرفع قضية عليهم عند حقوق الأوادم .. وإلا وش السوات


بعد بعد .. هذا اللي ناقص

نتيجة الترم شينة ولخبطوا فيها ..

حشف وسوء كيل

هذا والله يحفظكم ويرعاكم