|
رد: { بـووـووح ـآلخ ـوآطر .~
اشره على نفسي وأبيـح المقاديـر
النفس سبـة حسرتـي والتياعـي
ماللزمـن ذنـبٍ ولا لـه تدابـيـر
كونٍ خلقه الله وانـا فيـه ساعـي
درب الكرامه لـه رجـال مناعيـر
ودرب المذلـه نتركـه للرعـاعـي
احفظ لنفسي بين هالنـاس تقديـر
وارخي لصوت الحق حسن استماعي
صدري وسيع ما يبـي زود تكبيـر
ياللّي كلامك بين هالنـاس شاعـي
قلبـي شفـوق ٍ ممتلـي بالتعابيـر
يستاهلـه منهـو لقـدره يراعـي
لا تآخـذك ياقلـب كثـر التفاكيـر
ما للنـدم لا فـات هالعمـر داعـي
خلك مـع اللـي بالمعـزه مساييـر
افتح لهـم بابـك وفـل الشراعـي
وابعد عن المقفي كثيـر المعاذيـر
اللـي يـردد دوم لحـن الوداعـي
وش لك بشخصٍ كل ما وقع يطيـر
رجله على غصن وعينـه تراعـي
غصـنٍ بعيـد ممتلـي بالعصافيـر
بين الشكل واللون سلهـم وضاعـي
معلوم قصدي ما يبي لـه تفاسيـر
سهل المعاني يفهمـه كـل واعـي
|