أنا ذاك الغياب اللي
لعن كل الحضور وغاب
وأنا ذاك الحضور اللي :
( ظلام الليل يغريني !! )
أنا قصّة ولا يقدر
يجمعني قلم وكتاب
أنا نزف الجروح .. اللي
هموم الوقت تطويني !
أنا ذاك القطوع
الشاعر، المتكبر ، النصاب '
أنا الكذاب والخااين
لو أصدق .. تكذب يميني
أنا تقدر تسميني
" غريب ويسكنه أغراب "
أنا، أنا .. تخيلني وسميني
أنا لا من بكيت، يطيح
مع سرب الدموع أحباب
تخيل كم حبيب طاح ..
من عيني لكفيني !
أنا ما بعت كل اللي
عاشوا بالخفوق أصحاب
أنا لو باعني صاحب
أبيعه بيني و بيني ..
أنا ما جيتك أتشره
أو أفتح للعواذل باب
أنا جيتك وفي قلبي ..
كلام تكتبـه عيني
( دخيلك دام في قلبك
علي من الغياب عتاب ..
تعال وخل جلستنا
- ملام وجو يبكيييني !! )
: